Simonek esan du Nafarroak duela Estatuko eragin-tasa altuena
Santos Indurain Nafarroako Osasun sailburuak agerraldia egin du ostegun honetan komunikabideen aurrean, COVID-19aren pandemiarekin lotuta erkidegoan hartuko dituzten neurrien berri emateko. Izan ere, azken egunetan nabarmen egin dute gora kasu positiboek erkidegoan. Ildo horretan, Iruñerria itxiko duten galdetuta, Indurainek azpimarratu du oraingoz ez dutela horrelakorik erabaki: "Ikusiko dugu beste neurri batzuk hartu behar ditugun ala ez".
"Nafarroak bizi duen egoera larriak bultzatuta, pandemiaren bilakaeraren eta aurrerantzean emango ditugun urratsen berri eman nahi dugu", esan du. Halaber, "arduraz" jokatzeko eskatu die herritarrei, "COVID-19a indartsu heldu baita gure artera".
Berriro ere, 400 kasutik gora zenbatu dituzte ostegun honetan Nafarroan. Hain zuzen ere, asteazkeneko datuak dira gaur argitaratutakoak, eta zehazki 444 izan ziren atzo Nafarroan atzemandako COVID-19 kasuak, Osasun kontseilariak aurreratu duenez.
Indurainek zehaztu du 3519 proba egin zituzten atzo Nafarroan. Beraz, % 12,6koa da positibotasun tasa. Gainera, 272 pertsona daude ospitalean birusak jota; horietatik 35 zainketa intentsiboen unitatean.
Ospitaletako egoera
Ospitaletan "tentsioa" nabari dela onartu du Indurainek, "nahiz eta uneoro ari diren egoerara egokitzen", koronabirusaren aurkako planari jarraiki.
"Argi dago presioa handitu dela", esan du kontseilariak, eta kutsatzeen hazkundean egin du azpimarra "geroz eta positibo gehiago egon, larri dauden gaixoen eta hildakoen kopuruek ere gora egiten dutelako". Atzo bertan bost pertsona hil ziren Nafarroan.
Indurainek argi utzi du herritarrei "erantzunik onena" ematea dela Gobernuaren helburua, dena den, argitu du bigarren olatu honetan oraingoz baztertu egin dutela kanpaina ospitaleak ezartzeko ideia: "Beste aukera batzuk ditugu, hotel medikalizatuak eta etxez etxeko ospitalizazioa, adibidez".
Estatuko maila altuena
Bestalde, Fernando Simon Osasun Alerta eta Larrialdietako Zentroko zuzendariak azpimarratu du Nafarroan 800 kasu daudela 100.000 biztanleko, Estatu osotik gehien, batez bestekoaren (269) oso gainetik, eta Madrilgo erkidegoaren (450) ia bikoitza.
Zure interesekoa izan daiteke
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia eta astelehenean hasiko da epaiketa bera, aurretiazko gaiak aztertuta. Fiskaltzak eta akusazioak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasun-mezu bat helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeheraren aurrean.
Igorreko Udalak loteriaren saria kobratu ez dutenen arazoa konpontzea espero du eta 109 saridunek salaketa aurkeztu dute dagoeneko
Udalak espero du egoera "lehenbailehen argitu eta konpondu ahal izatea, erantzukizunetik, gardentasunetik eta eragindako pertsona guztien eskubideen errespetutik".
10 salaketa Duranako ikastolako ikasturte amaierako bidaian adingabeei egindako ukituengatik eta estupefazienteak emateagatik
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Une honetan, zenbait adingabe eta lekukori deklarazioa hartzen ari dira, bidaiari asko zihoazelako itsas bidaian.
52 apaizek Juan Carlos Elizalde gotzaiaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzaiak. Elizaldek, bere aldetik, esan du apaiz batzuek “denbora gehiegi” dutela “inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.
Duranako Ikasbidea Ikastolako ikasbidaia batean hainbat neskari edalontzietara droga bota zieten ikertzen ari dira
EITBk jakin ahal izan duenez, Mediterraneoan barrena gurutzaontzi batean bidaiatu zuten gazteek, eta barkutik bertatik gazteek familiei egindako deiek piztu zituzten alarmak. Uste dute hainbat neskei edarira substantziaren bat bota zietela.
Guardia Zibilak berretsi du Maialen Mazonen arrisku egoera "muturrekoa" zela
Maialen Mazonen hilketa argitzeko epaiketaren laugarren egunean, ustezko hiltzailearen amak deklaratu du. Adierazi du semea "egoera normalean" ez dela halakorik egiteko gauza.