"Eskuin muturraren" aurkako manifestua aurkeztu dute EAJk eta EH Bilduk
EAJk eta EH Bilduk "eskuin muturraren" aurkako manifestua aurkeztu dute, PSOE, Unidas Podemos, Mas Pais eta beste zenbat alderdi nazionalista eta independentistarekin batera, irain edo diskurtso "xenofoboak, arrazistak edo matxistak" dituzten diputatuen aurkako zigorrak bultzatzeko.
Hain zuzen ere, EAJ, EH Bildu, PSOE, Unidas Podemos, ERC, Mas Pais, Compromis, Junts, BNG eta CUP alderdi eta koalizioek izenpetu dute "demokraziaren aldeko manifestua".
Horiek guztiek berretsi dute "giza eskubideen, demokraziaren, justizia sozialaren eta herritar guztien berdintasunaren aldeko konpromisoa; jaiolekua, generoa, erlijio sinesmenak edota sexu-joera gorabehera".
Demokraziarekin bateraezina
Ildo horretan, ohartarazi dute legegintzaldi honetan entzun dituzten "diskurtso arrazistak, xenofoboak eta matxistak" sistema demokratikoarekin bateraezinak direla, eta "elkarbizitzan arrisku handia" dakartela.
Gainera, argi utzi dute ez dituztela onartuko pandemiarekin lotutako "estrategia eta diskurtso negazionistak", "osasunean eta bizikidetzan ondorio negatiboak dituztelako".
Era berean, elkartasuna adierazi diete "eraso eta irainak" jasan dituzten pertsona guztiei; Kongresuko eta Gobernuko ordezkariei, bereziki.
Gorrotoaren aurka
"Horregatik guztiagatik, manifestu honen alde egin dugun guztiok adierazi nahi dugu ez ditugula gorroto jarrerak onartuko; zigortu egin behar dira. Eskuin muturraren aldeko edozein keinu gaitzetsiko dugu, batez ere, Gobernuarekin eta erakundeekin zerikusia badu", azaldu dute.
Zure interesekoa izan daiteke
Gerra Zibilean hildako eta Zornotzako hilerrian lurperatutako miliziano baten gorpuzkiak berreskuratu ditu familiak 89 urteren buruan
Jesus Arratibel Ruiz De Alegria arabarra Zornotzako ospitale militarrean hil zen, eta bertako hilerrian lurperatu zuten. Gogora Institutuaren ekimenez, hilobiratutako 149 pertsonen gorpuzkiak atera zituzten eta identifikazio prozesu baten ostean, gaur eman dizkiete senitartekoei.
Feijooren iritziz, 2025 “sanchismoaren erabateko kolapsoaren urtea” izan da
Alberto Nuñez Feijoo PPren buruak Espainiako Gobernuaren "10 porrot" aipatu ditu, horien artean, etxebizitza, migrazio politika eta "nazioarteko mesfidantza".
Loiuko Udaleko Bozeramaileen Batzordeak herriko alkatearen kontrako pintaketak gaitzetsi ditu
Tokiko erakundeak premiazko bilera egin du gaur goizean adierazpen instituzional bat adosteko. Pintaketetan Josu Andoni Begoriaren izena ageri da, diana bat erdian duela. EAJren eta PPren aldeko botoekin onartu dute testua; EH Bilduk ez du sinatu.
Bilboko Udalak 2026rako aurrekontua onartu du, eta urte bukaerako ohiko brindisa egin dute alderdi guztiek
EAJren eta PSEren botoak nahikoak izan dira aurrekontua onesteko, oposizioaren proposamenak onartu gabe. Hiriburuak 751 milioi euro izango ditu, 2025ean baino 32 milioi gehiago, eta gizarte gastua asetzeko, azpiegiturak hobetzeko eta kultura bultzatzeko erabiliko dira nagusiki. Azken urteetan bezala, Bilboko Udala ez da zorpetuko. Aurrekontuak onartu ondoren, Bilboko Udaleko alderdi politiko guztiek arabiar aretoan topa egin dute.
Otxandianok uste du EAJk Kongresuan duen jarrera ez dela "asko aldatuko", nahiz eta eskuduntzen eskualdatzea ez bete
Zentzu horretan, EH Bilduk Eusko Legebiltzarrean duen bozeramaileak adierazi du EAJ ez dela izan "babes iraunkorra ematen duen bloke baten parte", eta ez duela Pedro Sanchezen Gobernuarekin "programa partekatu bat", beraz, ez du uste "dinamika parlamentarioa asko aldatuko denik".
Gaurko aurreikusita zegoen Aldebiko Batzordearen bilera atzeratu dute, eskumenak transferitzeko berme nahikorik ez zegoelako
Batzarra ostiralean utzi zuten bertan behera, uztailean hitzartutako "gutxieneko baldintza tekniko, ekonomiko eta juridikoak" betetzen ez zirela ikusita. Urtarrilaren 16rako egin dute berriro hitzordua bi aldeek.
Jaengo herri bateko PSOEko zinegotzi bat kargutik kendu dute bideo batean kantu matxistak egiteagatik
Martosko udal gobernuak eta Alderdi Sozialistak "erabat" gaitzetsi dute Manuel Cortes zinegotziaren jarrera. Hala, diziplina-espedientea ireki diote, behin-behinean alderditik botako dute eta zinegotzi akta alderdiaren esku uzteko eskatuko diote.
Honakoak izan dira aurten politika arloko albiste nagusiak
Aldaketaren aldarriaren bidetik, berezko nortasuna erakusten saiatu da aurten Imanol Pradales lehendakaria. Espainian, ordea, gatazka politikoak goia jo du legegintzaldiaren erdian, Pedro Sanchezen agintea kolokan jartzeraino.
Manifestazio jendetsua Azpeitian, bi kasutan auzipetutako 43 herritarren alde
Manifestazioa izan da iluntzean Azpeitian, VOX-en kontra mobilizatzeagatik ikertuta dauden 20 lagunei eta pintaketa baten harira auzipetu zituzten beste 23 herritarrei elkartasuna adierazteko. Urtarrilean eta otsailean epaituko dituzte guztiak. Jendetza batu da Azpeitia Errepresioaren Aurka plataformak deituta, "Errepresioaren aurrean, klase elkartasuna" lelopean egin duten manifestazioan.
ETAko presoen aldeko ekintzak izan direla Gabonetan salatu du Covitek
Terrorismoaren Biktimen Kolektiboak bere sare sozialetan zabaldu dituen hainbat mezutan kritikatu duenez, "ezker abertzaleak -Sortuk eta EH Bilduk- eta bere sateliteek, Sarek kasu, zigorgabetasun handiagoa eskatzen jarraitzen dute ETAkide guztientzat".