Voxek Kongresura eraman du bere mozioa, babesik gabe eta PPren zalantzen artean
Voxek Pedro Sanchezen Gobernuaren aurkako zentsura-mozioa aurkeztu du asteazken honetan Kongresuan, baina ez du babesik jaso. Dena dela, PPk ez du argitu bere botoa abstentzioa edo ezezkoa izango den.
09:00etan hasi da eztabaida hemizikloan, eta lehen hitzaldia Ignacio Garriga Bartzelonako Vox alderdiko diputatuak eman du, 2021eko otsaileko hauteskundeetan alderdi horren hautagaia izango omen dena, aurreikuspenen arabera.
Ez du denbora mugarik izan bere alderdia zentsura-mozioa erregistratzera eraman duten arrazoiak azaltzeko, eta "Espainiako historiako gobernurik okerrena" dela esan dute.
Horrelako eztabaidetan, Kongresuko araudiak aukera eman dio Gobernuari, presidenteak edo bere ministroren batek, egoki deritzonean hitza hartzeko. Pedro Sanchezek esku hartuko duela iragarri du Moncloak, baita Pablo Iglesias Unidas Podemoseko bigarren presidenteorde eta buruzagiak ere. Ez du zehaztu noiz igoko diren hizlarien tribunara, baina Garrigaren edo Santiago Abascalen hitzaldien ostean egingo omen dute.
Bartzelonako diputatuaren ondoren, Gobernuko ordezkari batek hitza hartu ala ez, Voxek proposatutako presidentegai alternatiboa izango da esku hartuko duena. Abascalek, denbora mugarik gabe, bere gobernu-programa zein izango den azalduko du, Sanchez lanpostutik kentzeko gehiengoaren babesa lortzen badu; hau da, 176 aldeko boto.
Voxeko bi diputatuen eta Gobernuaren balizko erreplikaren hitzaldiak amaituta, Meritxell Batet Kongresuko presidenteak etenaldia egingo du.
Ordena horren ondorioz, litekeena da PPrena ostegunean egitea, mozioaren eztabaidaren bigarren saioan. Horixe izango da gehien espero den unea; izan ere, PPk ez du argitu bere botoa abstentzioa edo ezezkoa izango den. Dirudienez, baina, baztertuta omen dago PPk Voxen zentsura-mozioa babestea.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.