Chiviteren amaren etxea aurrean pintadak egin dituzte, Cintruenigon
Maria Chivite Nafarroako Gobernuko presidentearen amaren etxe aurrean pintadak egin dituztela salatu du PSNk. Foru Exekutiboak pandemiari aurre egiteko neurrien kontrako pintadak agertu dira.
Konkretuki, COVID-19aren pandemiari aurre egiteko hartutako neurrien aurkako bi pintada azaldu dira. 'Ganbera madarikatuak zabaldu itzazue, aurreneko abisua', dio horietako batek, etxabe eta lokalak irekitzeko debekuari erreferentzia eginez. Pintada hori duela hilabete egin zuten. Bigarren pintada berria da:'Maria bigarren abisua', Foru Exekutiboko presidenteari zuzenduta.
"Gorrotoak ezin izango du askatasuna eta demokrazia defendatzeko batasuna hautsi", esan du Ramon Alzorriz PSNko bozeramaileak.
Bozeramaile sozialistaren hitzetan, "neurriak nafarren osasuna babesteko beharrezkoak dira, Gobernuaren eta gure alderdiaren lehentasuna".
"Pintada deitoragarriak irmo" gaitzetsi ditu Alzorrizek. Presidenteari eta alderdiko idazkari nagusiari "babes" osoa azaldu dio. PSNk "bere balioak eta printzipioak defendatzen jarraituko du, azken 140 urteetan egin bezala", azpimarratu duenez.
Gainera, Arrotxapea auzoan bart gertatutakoa errefusatu du Alzorrizek. "Mota horretako ekintzek ez dute lekurik izan behar gizarte demokratiko batean", adierazi du.
Era berean, PSOEk pintadak gaitzetsi ditu. "Gure alderdikide eta Nafarroako presidentearen aurkako pintada lotsagarriak", salatu ditu Alderdi Sozialistak, eta Chiviteri "babesa" azaldu dio. "Mehatxuak, gorrotoa eta intolerantzia baztertu behar ditugu gizarte demokratiko batean", nabarmendu du PSOEk.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.