Ahotsak: "Gure metodologia baliagarria da lortzeke dauden akordioak bilatzeko"
Bake eta bizikidetza alorrean Euskal Herrian "lortzeke dauden" akordioak bilatzeko, Ahotsak—2002an sortutako bakearen aldeko emakumeen plataforma— mugimenduaren esperientzia eta metodologia "baliogarria" dela aldarrikatu dute gaur plataforma horretako kide diren Gemma Zabaleta buruzagi ohi sozialistak eta Nekane Altzelai EAko legebiltzarkide izandakoak.
Zabaletak eta Altzelaik prentsaurrekoa eskaini dute "Ahotsaken esperientzia: Emakumeak elkarrizketaren alde euskal gatazkan" izeneko txostena aurkezteko eta horren inguruko gogoeta egiteko. Txostena Maria Villellas Bartzelonako Unibertsitate Autonomoko Escola de Cultura de Pauko ikerlariak egin du (bideokonferentzia bidez azaldu ditu txostenaren nondik norakoak.
Villellasen esanetan, Ahotsak plataforma "aitzindaria" izan zen Euskal Herriko arlo eta alderdi ezberdinetako (PP eta UPN alderdietakoak izan ezik) emakumeak bildu zituelako.
"Ahotsakek aurreiritzirik gabeko elkarrizketa baten aldeko apustua egiteko beharra planteatu zuen", esan du, eta plataformaren jatorria gogorarazi du, Gema Zabaleta legebiltzarkide sozialista eta Jone Goirizelaia EH bilduko legebiltzarkidearen "hurbilketa" baten bidez. Gainera, ekimen honek elkarrizketa posible zelako apustua egin zuela azpimarratu du, "ezberdinen arteko akordioak bilatzeko metodologiaren bidez" eta "ideologia ezberdinetako emakumeak mugiaraziz".
"Kalteak eta oztopo erlazionalak apurtzea lortu zuen", azpimarratu du, eta gatazka esperientzietan dauden emakumeek "ekimen honetatik ikas dezaketela" adierazi du; horregatik, ezagutza hori transmititzea "garrantzitsua" dela esan dute.
Halaber, txostenak defendatzen duenez, "ETArekin amaitzeko egungo egoera ez zen posible izango Ahotsak bezalako plataformek bidea urratu izan ez balute".
"Ahotsakek etorkizunerako balio du"
Bestalde, Gemma Zabaletak berretsi du Ahotsaken esperientziak "indarrean" jarraitzen duela eta etorkizunerako "baliagarria dela", "desadostasun politiko handiak" bizi diren une honetan, non positiboa den emakumeek beren iritzia ematea "gertatzen ari denari buruz" oraindik "gainditu gabeko irakasgaiak" geratzen diren "eremuetan, hala nola bizikidetza maila "handiagoak lortzea edo iraganaren kontakizuna eraikitzea".
Bere ustez, "ikuspegi eta jarrera politiko eta sozial desberdinetatik akordioak lortzeko, adostasunak eraikitzeko eta gutxieneko adostasun horien gainean aurrera egiteko jarrera, ziurrenik, metodologia bat izango da, euskal gizarteak gertatutakoari buruzko begirada eta kontakizun partekatu eta inklusiboa izan dezan", eta horrek, bere ustez, "bizikidetza eta politikaren osasun-maila hobetzen lagunduko du".
Bestalde, Nekane Altzelaik iragarri du abenduaren 2an Foro Sozialak antolatutako jardunaldi bat egingo dela Donostian, "Emakumeak bake prozesuetan. Nazioarteko esperientziak", Nazio Batuen ebazpenaren hogeigarren urteurrena dela eta; ebazpen horrek "emakumeek bake-negoziazioetan eta gatazken osteko berreraikuntzan parte hartzearen" alde egiten du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.