Euroeskualdea indartzeko zazpi proiektu hautatu dituzte
Akitania Berria-Euskadi-Nafarroa Euroeskualdeak ezagutzera eman ditu 'Ezagutzaren ekonomia' programaren bigarren edizioan finantzatuko dituen zazpi proiektuak. Programa horrek 450.000 euroko aurrekontua du oraingoan, eta eskualde horietako enpresak eta erakundeak bildu nahi ditu proiektu berritzaile baten inguruan eremu horretan sinergiak sortzeko.
Guztira 24 proposamenen artean hautatutako zazpi proiektuak hainbat sektoretan garatuko dira: aeroespazial-aeronautikoa, nekazaritzako elikagaiak, osasunaren ekonomia, energia berriztagarriak eta eraikuntza jasangarria.
"Fabrikazio aurreratua, aeroespaziala, aeronautika" arloan, Euroeskualdeak 68.700 euroko dirulaguntza eman dio Validdantenness proiektuari. Anteral enpresa nafartarrak zuzendutako proiektuan, besteak beste, Hegan Basque Aerospace Cluster erakundea dago. Ekimen honen helburua da aplikazio espazialetarako antenen metalak fabrikatzeko teknika gehigarriak aztertzea eta balioztatzea, tamaina txikiko sateliteetarako, hain zuzen.
Nekazaritzaren eta nekazaritzako elikagaien industriaren esparruan, Agrotic HUB hautatu dute. Proiektua Nagrifood Nafarroako Elikadura klusterrak zuzentzen du,eta, Euskadiko Elikadura Klusterren Elkarteak parte hartzen du bertan, besteak beste. Ekimen horrek 52.212 euro lortu ditu, eta hiru eskualdeetako nekazaritzako elikagaien enpresen eraldaketa digitala bultzatzeko lan egingo du, mugaz gaindiko baliabideen zentro bat sortuz.
Osasunaren arloan, bi proiektu finantzatuko dira. Bata Bilebank da, Nafarroako Ikerketa Mediko Aplikaturako Fundazioak aurkeztua, eta 68.700 euro jasoko ditu Euroeskualdean giza behazun laginen biobanku komun eta funtzional bat ezartzeko. Proiektu aitzindaria da, horrelako biobanku bat garatzeko Europako lehen ekimena baita. Bestea, Vasadin, Biodonostia Institutua Elkarteak aurkeztu du eta 57.250 euroko dirulaguntza jasoko du; adinekoei osasun-arreta emateko eredu bat definitu nahi du.
Energia berriztagarrien sektorean ere, bi proiektu aukeratu dituzte: bata, Renovables izenekoa, Euskal Herriko Unibertsitatea buru duena eta 47.449 euro jasoko dituena, Bizkaiko Golkoaren inguruko ekonomia urdina sustatzeko; eta bestea, Hidro-Ttipi ekimenak, Goiener S.Coop. elkarteak aurkeztutakoak, euroeskualdean dauden errota hidraulikoen azterketa zehatza egingo du, berreskuratzeko zein eguneratzeko 6 egokienak identifikatzeko, eta 67.287 euro jasoko ditu.
Azkenik, eraikuntza jasangarriaren esparruan, Erakusbidea proiektua aukeratu dute, besteak beste, Eraikune Euskadiko Eraikuntzako Klusterren Elkarteak gidatua, eta Euroeskualdearen eremuan zuraren eta beste material natural batzuen bidezko eraikuntza jasangarria sustatu eta haren inguruko sentsibilizazioa bultzatzeko.
Deialdi hau martxan jarri zenetik, 2015etik, guztira 25 proiektu bultzatu dituzte.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.