Ez dago "ezinbesteko arrazoirik" bozak bertan behera uzteko, Auzitegiaren ustez
Kataluniako Justizia Auzitegi Nagusiak otsailaren 14ko hauteskundeei eusteko erabakiaren argudioak kaleratu ditu, eta, bertan jaso dutenez, ez dago "ezinbesteko arrazoirik" pandemia betean bozak bertan behera uzteko; izan ere, jarduera "hutsalagoak" baimentzen dira.
Horixe adierazi du Auzitegiko bosgarren aretoak Kataluniako Generalitateak otsailaren 14ko hauteskundeak bertan behera uzteko kaleratu zuen dekretua indargabetzeko atera zuen autoan. Orain Auzitegi Gorenera jotzeko aukera dago, baina horrek ez luke hauteskunde prozesua geldituko.
Boto partikular bat jasotzen duen ebazpen horretan, Auzitegiak ohartarazi du "ezinbesteko arrazoirik" gabe ez dagoela justifikatuta hauteskundeak bertan behera uztea, bozkatzeko oinarrizko eskubidea urratuko lukeela, eta "behin-behinekotasun garai luzea" irekiko lukeela "Kataluniako erakunde demokratikoetan".
Aretoak azpimarratu du egungo alarma-egoeran "espresuki" aipatzen dela hauteskunde prozesuak aurrera eramateko aukera, eta Pere Aragones Generalitateko presidenteordeak, Quim Torraren gaitasungabetzeagatik jarduneko presidente denak, ez duela hauteskundeak bertan behera uzteko edo atzeratzeko eskumenik.
Hori horrela, hauteskundeak egitea galaraziko lukeen "ezusteko" egoera batek atzerapena justifikatuko lukeela gaineratu dute, 2020an EAEn gertatu zen moduan.
Horregatik guztiagatik, Aretoak ohartarazi du egoera epidemiologikoa nabarmen larrituko balitz, "osasun bermeekin bozkatzeko aukerarik gabe", eta alarma-egoeraren murrizketak zorroztuko balira, hauteskundeak atzeratzeko aukera egongo litzateke, baina gaur egun Katalunian ez du "ezinbesteko arrazoirik" ikusten horretarako.
Gainera, Auzitegiak esan du egungo egoeran "interes publiko" are handiagoa dutela hauteskundeek, presidenterik ez dagoelako, Parlamentua desginda eta "eskumenak mugatuta" dituen presidenteorde batekin, bereziki kontseilariak kargugabetzeko edo izendatzeko gaitasunik gabe.
Pandemian botoa eman ezingo dutenak gehiago izango direla aitortu arren, Auzitegiak azpimarratu du botoa aurrez emateko modu eraginkorrak daudela, eta Portugal jarri du adibide.
Bestalde, horren iritzian, ez dago batere argi zein izango den egoera maiatzaren 30ean (Generalitateak proposatu duen beste data), txertoaren balizko atzerapenengatik eta aldaera berriengatik.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.