Iñaki Arakama, Roberto Lebrero eta Iñaki Armendariz Zaballara ekarriko dituzte
Hiru preso Zaballako espetxera eta beste bi Euskal Herritik gertuago dauden kartzeletara eramatea adostu du Espetxe Zuzendaritzak, besteak beste, Iñaki Arakama Mendia Makario ETAko historikoa. Arakama 20 bat eraso leporatuta zigortu zuten.
Arakamarekin batera, Espetxe Zuzendaritzak Beñat Aginagalde Ugartemendia lekualdatzea erabaki du. Iñaki Uria enpresaburua hiltzea egotzita zigorra betetzen ari da.
Era berean, Jose Maria Novoa Arroniz, Roberto Lebrero Panizo eta Iñaki Armendariz Izagirre presoak lekualdatuko dituzte.
Arakama 1992an atxilotu zuten Bidarten (Lapurdi), ETAko zuzendaritza desegin zutenean. Besteak beste, Ricardo Tejero Magro Banku Zentraleko zuzendaria 1985ean eta Jesus Velasco Arabako Miñoien buruzagia 1980an hil izana egotzita zigortu zuten.
Arakamak zigorraren hiru laurdenak bete zituen 2013ko urrian, indarkeria errefusatuz idatzi bat aurkeztu du, eta bigarren gradura pasa dute.
Bestalde, Aginagalde Jaengo kartzelatik Dueñasko (Palentzia) espetxera lekualdatuko dute. Bigarren gradua lortu du presoak. Isaias Carrasco zinegotzi sozialistaren hilketagatik absolbitu zuten 2014an.
Jose Maria Novoa Arroniz Murtziako espetxetik Leongo kartzelara eramango dute. Alfonso Parada Ulloa Guardia Zibileko tenienteordea 1998an, Gasteizen, hiltzea egotzita zigortu zuten.
Roberto Lebrero Panizo Burgosko kartzelatik Zaballara ekarriko dute. 2001ean, Lakuntzan (Nafarroa), Universal diskotekan hiru lehergailu jartzea leporatu zioten, besteak beste.
Iñaki Armendariz Izagirre ere Burgosetik Zaballara ekarriko dute. 25 urteko espetxe-zigorra betetzen ari da, terrorismoa, erasoak eta erakunde terroristako kide izatea leporatuta.
Terrorismoaren Biktimen Elkarteak (AVT) Espetxe Zuzendaritzaren erabakia kritikatu du berriro. Barne Ministerioa presoak 40. urteurrenagatik “zoriontzen” ari dela adierazi du ironiaz AVTk ohar batean.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.