Troitiño espetxetik atera da, baldintzapeko askatasunean
Antton Troitiño presoa gaur goizean atera da Estremerako (Madril, Espainia) espetxetik, baldintzapean. ETAko kide izatea egotzita ari da zigorra betetzen, eta duen eritasun larri eta sendaezinagatik utzi dute libre.
Espetxetik atera berritan Etxerat elkarteak gogorarazi duenez, duela 10 bat egun jakinarazi zion Troitiñok bere abokatuari hartzen ari zen kimioterapia tratamendua uztea erabaki zuela, ez zelako "bideragarria" espetxeko baldintzekin. "Espero dezagun bere gaitza duintasunez eta bermez tratatuko dutela hemendik aurrera, bere senideengandik hurbil", esan du euskal preso eta iheslari politikoen senideen elkarteak.
Donostiako presoak Espainiako Auzitegi Nazionalaren "labirinto burokratikoaren ondorioak" jasan behar izan dituela ere salatu du Etxeratek, eta "salbuespenezko espetxe-politikaren amaiera" eskatu du. "Espainiako eta Frantziako gobernuei berriro eskatzen diegu gaixotasun larri eta sendaezinak dituzten 17 euskal presoen berehalako askatasuna, baita 65 urtetik gorakoena ere, preso guztiak Euskal Herrira hurbiltzen dituzten bitartean", gaineratu du.
Baldintzapeko askatasuna
Maria de los Reyes Jimeno Gutierrez Espainiako Espetxe Zaintzako Epaitegiko magistratuak urtarrilaren 27an erabaki zuen preso donostiarrari baldintzapeko askatasuna ematea, aurretik, auzitegi horretako beste epaile batek hirugarren gradua aitortu ondoren, "arrazoi humanitarioengatik eta duintasun pertsolararengatik".
Preso donostiarrari jarraipena egiteko hainbat baldintza ezarri zituen Jimenok; besteak beste, bizilekua duen herritik edota lurraldetik ezingo da atera, epaile baten baimenik gabe, eta hamabostero gertuen duen polizia-etxean edo zerbitzu sozialen bulegoren batean aurkeztu beharko du.
Halaber, ETAko preso izandakoen omenez egindako ekitaldietan ezingo du parte hartu.
2.700 urteko kartzela zigorra ezarri zioten Troitiñori, eta 2011ko apirilaren 13an gelditu zen aske 24 urteko kartzela zigorra bete ondoren. Auzitegi Nazionalak berriro atxilotzeko agindu zuen kartzelako urteak gaizki zenbatu zituela argudiatuta. Ordurako, ordea, Troitiño Londresera joana zen.
Azkenean, Erresuma Batuak maiatzean estraditatu zuen, hiru urteko prozesu luze baten ondoren.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.