Lasa eta Zabalaren hilketagatik zigortutako Rodriguez Galindo hil da, covid-19agatik
Enrique Rodriguez Galindo Guardia Zibilaren jeneral ohia, GAL taldeen hilketetan parte hartzeagatik zigortuta, 81 urterekin zendu da, koronabirusagatik, bere inguruko iturriek agentziei esan dietenez.
Otsailaren 2tik zaintza intentsiboen unitate batean ingresatuta zegoen Rodriguez Galindo, covid-19ak birikietan eragindako arazoengatik.
Auzitegi Gorenak 75 urteko espetxe zigorra ezarri zion Rodriguez Galindori, 1983an Joxean Lasa eta Joxi Zabalaren bahiketa eta hilketarekin lotuta. Jeneral ohia garai horretan Intxaurrondoko kuartelaren burua zen.
Guardia Zibilaren 513 Komandantziaren buruan izan zen 1980tik aurrera. Donostiako egoitzan igarotako hamabost urteetan 800 atxilotze izan ziren ETArekin lotuta, eta arduradunak "terrorismoaren kontrako borrokan aditu" bezala ospea lortu zuen.
Hala ere, bere ibilbidea tortura salaketez josita izan zen, eta batez ere, GAL taldeen Estatu terrorismoaren krimenek bustita. 90. Hamarkadan salaketa horiek ezagutzara eman ziren arren, 1995ean jeneral egin zuten, mailaz igota.
ETBko "360 grados" saioan Begoña Kapape kazetariak azaldu zuen bezala, Intxaurrondoko kuartelean torturak eta hilketak egiten ziren "inpunitate osoz", eta narkotrafikoarekin eta proxenetismoarekin ere lotuta zegoen: "Nahi zutena egiteko baimena zuten".
2000an zigortua
Auzitegi Nazionalean epaitu zuten, eta 2000ko apirilaren 26an 71 urteko espetxe zigorra jarrio zioten, Lasa eta Zabala bahitzea eta hiltzeagatik. Maiatzaren 9an sartu zuten kartzelan. Urtebete beranduago, Auzitegi Gorenak lau urte gehiago luzatu zion zigorra.
Rodriguez Galindok lau urte eta lau hilabete besterik ez zituen eman espetxean, osasun arrazoiengatik kartzelatik atera zutelako, zigorra bere etxean betetzen jarraitzeko. Momentu horretan bihotzeko arazoak zituela esan zuten.
2013an baldintzapeko askatasuna eman zioten, Zuerako (Zaragoza) espetxeak proposatuta.
Zure interesekoa izan daiteke
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Bihar goizean, Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, eta arratsaldean, Iruñeko San Frantzisko parrokian, hileta-elizkizuna egingo da.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.
Lehendakariaren adierazpen instituzionala Garaikoetxearen heriotzaren ondoren
Imanol Pradalesek adierazpen instituzionala egingo du 11:30ean, atzo Carlos Garaikoetxea lehendakaria hil eta gero.
Albiste izango dira: Carlos Garaikoetxeari agurra, Tubos Reunidosen hartzekodunen konkurtsoa eta Maialen Mazonen ustezko hiltzailearen aurkako epaiketa
Gaurkoan Orain-en albiste izango direnen laburpena, bi hitzetan.
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta “oso eskertuta” egon beharko genukeela.
Eusko Jaurlaritzak hiru dolu-egun ezarri ditu
Dolu-aldia astelehen honetan hasi da eta asteazkenean amaituko da. Gorpua bihar, asteartea, Iruñeko beilatoki batean egongo da, eta asteazkenean Ajuria Enean jarriko dute hil-kapera.
Garaikoetxea "garai zailetan ezina ekinez lortu" zuen liderra izan zela nabarmendu du Pradalesek
Mezu batean, lehendakariak eskerrak eman dizkio herriari onena emateagatik: "Eskerrik asko maite zenuen herriaren eta askatasunaren alde onena emateagatik. Ez dizugu hutsik egingo".
Euskal politikariek eta gizarteak Carlos Garaikoetxeari esker ona adierazi diote
Frankismoaren ondorengo lehen lehendakaria euskal gizarteak maite eta miretsi zuen pertsona izan zen. Sareak esker on eta omenaldi mezuz bete dira albistea zabaldu bezain pronto.