Iñaki Subijana izendatu dute EAEko Justizia Auzitegi Nagusiko presidente
Iñaki Subijana EAEko Justizia Auzitegi Nagusiko presidente izendatu du gaur Botere Judizialaren Batzorde Nagusiak. Orain arte Gipuzkoako Lurralde Auzitegia zuzendu du Subijanak, eta Demokraziarako Epaileak elkarteko kide ere izan da.
Iturri judizialek jakitera eman dutenez, bigarren bozketan aukeratu dute presidente. Guztira, 13 izan dira haren aldeko botoak.
1963an jaio eta 1990ean hasi zituen ikasketak Iñaki Subijanak. Azpeitiko Instrukzio eta Lehen Auzialdiko lehen epaitegian hasi zuen ibilbide profesionala. Magistratu izendatu zuten geroago, eta Kadizko Lurralde Auzitegian aritu zen, 1992 eta 1995 bitartean.
Ondoren, Donostiako Lehen Auzialdiko 5. epaitegian egin zuen lan. 2001etik aurrera, baina, Gipuzkoako Lurralde Auzitegiko lehen saileko magistratu izan zen.
Hiru urte geroago, 2004an, Zigor Zuzenbidean doktoratu zen EHUn, eta 2015ean SIGNUM fundazioaren bitartekari titulua lortu zuen. Gainera, Euskal Autonomia Erkidegoko Zuzenbide Zibilean aditua da.
EHUn, Zigor Zuzenbideko irakasle ere izan da Subijana, eta, nazioarte mailan, Uruguain, Guatemalan, Hondurasen eta El Salvadorren zenbait aholkularitza teknikotan aritzeko mandatua eman zion Botere Judizialaren Batzorde Nagusiak, 2002 eta 2009 artean.
Garbiñe Biurrun, berrautatua
Bestalde, Garbiñe Biurrun magistratua berriro hautatu dute EAEko Justizia Auzitegi Nagusiko Sozial Aretoko presidente, eta hirugarren agintaldia egingo du jarraian.
Biurrun EAEko Justizia Auzitegi Nagusiko jarduneko presidente lana egiten ari da ekainean Juan Luis Ibarrak erretiroa hartu zuenetik, eta gaur 21 bototik 12 eskuratu ditu. Pablo Sesma de Luis magistratua zen beste hautagaia, eta horrek boto bakarra jaso du. Zazpi bokalek boto zuria eman dute.
Garbiñe Biurrun 1987an hasi zen karrera judizialean, Tolosako, bere jaioterriko, lehenengo instantziako eta instrukzioko epaile gisa.
1989an lortu zuen magistratu kargua, eta Donostiako Sozial Auzitegiko 3.ean egon zen lanean. 1998ko azaroan EAEko Justizia Auzitegi Nagusiko Sozial Aretora iritsi zen, eta atal horren buru da 2009tik.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.