Bi preso hurbildu eta beste bi Euskal Herriratuko dituzte
ETAko beste lau preso lekualdatzeko erabakia hartu du Espetxe Idazkaritzak ostiral honetan; besteak beste, Imanol Miner. Gainera, Luis Mari Carrasco presoari hirugarren gradua eman dio. Carrascok "Langraiz bidea" hartu zuen 2010ean.
Lekualdaketei dagokienez, Imanol Miner Villanueva Granadako espetxetik Dueñasera (Palentzia) eramango dute, bigarren gradua eman ostean. 2001ean, Iñaki Totorika ertzaina hiltzea egotzita, 90 urteko zigorra ezarri zioten.
Era berean, Unai Bilbao Solaetxe Granadako kartzelatik Darocara (Zaragoza) eramango dute. 2002ko martxoaren 31n espetxeratu zuten, eta 50 urteko zigorra betetzen ari da, hilketa terrorista, legez kanpoko atxiloketa, ibilgailu lapurreta eta erakunde armatuarekin lankidetza leporatuta. Juan Priede Orioko zinegotzi sozialista Gure Txoko tabernan, 2002an, hiltzeagatik zigortu zuten, nahiz eta Iñaki Bilbaok tirokatu.
Iñaki Bilbao Gaubeka Basauriko espetxera ekarriko dute. 2002an zigortu zuten, Bizkaia taldeko kide izatea egotzita. 1998an espetxeratu zuten, eta 25 urteko zigorra betetzen ari da, hilketa terrorista saiakera eta txikizioak leporatuta.
Mikel Arrieta Llopis ere Euskal Herriratuko dute, Soriako kartzelatik Martutenera. Jose Aibar Yañez Barakaldoko Udaltzaingoaren buruzagia hiltzea egotzita, 35 urteko espetxe zigorra ezarri zioten.
Lekualdatutako 179 presoetatik 44 euskal espetxeetara ekarri izana deitoratu du Terrorismoaren Biktimen Elkarteak. Zentzu horretan, Eusko Jaurlaritzak EAEko kartzelen kudeaketa maiatzaren 10ean bere gain hartuko duela gogorarazi du elkarteak, nahiz eta eskumena urriaren 1ean gauzatu.
Bestalde, ELA, LAB, UGT, Steilas, ESK, Hiru, Etxalde, EHNE, CGT eta CNT sindikatuetako ordezkariek elkarretaratzea egin dute berriro, Espainiako Gobernuak Bilbon duen ordezkaritza aurrean, presoak hurbiltzea eskatzeko.
Hilean behin elkarretaratzea egiten dute sindikatuek. “Sakabanaketa politika bukatzea”, “gaixorik dauden presoak askatzea eta gradu aldaketa” berriz aldarrikatu dituzte ohar batean.
“Legedia eta euskal presoei espetxe politika normalizatua aplikatzeko beharrezko pausoak ematea erabakitzen baldin badu”, Espainiako Gobernuari babesa adierazi diote manifestariek.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.