Urkulluk "egun erraza" izan ez dela onartu du, bilaketa lanak bukatu ondoren
Joaquin Beltran bilatzeko lanak amaitu ondoren, gaurkoa “egun erraza” izan ez dela onartu du Iñigo Urkullu lehendakariak, “ezta zoriontsua ere”. 15 hilabetetan zehar “pertsona askok ilusioz lan luzea egin dute”, desagertutako bi beharginen familiek “merezi” zutena lortzeko asmoz, nabarmendu duenez.
Makina-erremintaren (AFM) klusterraren batzar nagusia itxi du Urkulluk, Donostiako Miramon teknologia parkean.
“Urte eta hiru hilabeteko lan luzearen” ondoren bilaketaren amaiera hizpide izan du lehendakariak. “Pertsona askoren esfortzua eta itxaropena”, azpimarratu ditu, “guztiarekin saiatu direlako, industria hondakinen zabortegi batean bi pertsonaren gorpuzkiak erreskatatzeko”.
Abuztuaren 16an Alberto Sololuzeren gorpuzkiak aurkitu zituztela gogorarazi du, baina Joaquin Beltran “behin betiko” desagertutzat jotzea deitoratu du, bilaketa lanak eremu eta fase guztietan bukatu ondoren.
“Administrazioak modu guztiz subsidiarioan aurre egin behar izan dio”, nabarmendu du Urkulluk.
Eusko Jaurlaritzak Joaquin Beltranen eta Alberto Sololuzeren familiei berria emateko “betebeharra” zuela uste du buruzagiak. “Eta horrela egin nuen atzo pertsonalki, eta horrela egin dut goizean zehar ere”, azaldu du Exekutiboko agintariak.
Zentzu horretan, “urte eta lau hilabete nekagarri” daramatzatela onartu du Urkulluk, baina “tunel luzetik” behin betiko ateratzeko itxaropenez.
Hala ere, “kezkarako eta lanerako egunak jarraitzen dute izaten”, gogorarazi du.
Zure interesekoa izan daiteke
Juntsek Espainiako Gobernuarekin haustura formalizatu du: izapidetzen ari diren eta etorkizunean izango diren legeak blokeatuko ditu eta ez ditu Aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak aurkezten dituen lege guztietan, kontrako botoa emango duela dagoeneko izapidetzen ari direnetan eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.