Biltzar bat berriro eskatu eta Sortu kritikatu dute EAko kritikoek
Alderdia "hausteko gogorik gabe", biltzar bat egitea eskatu du berriro EAko sektore kritikoak. Horrela, EH Bilduren ideia originala berreskuratu nahi dute, Sorturen "bokazio fagozitatzailearen" aurrean.
Eusko Alkartasunako zuzendaritzarekin kritikoak diren alderdikideek manifestu bat plazaratu dute igande honetan, Gasteizen, EH Bildu barruan EAk bizi duen "marjinazioarekin" kezkatuta. Iragan urrian dagoeneko kongresua eskatu zuten, 600 sinadura inguru bilduta.
Manifestuaren aurkezpenean Carlos Garaikoetxea lehendakariak eta Maiorga Ramirez EAko sektore kritikoaren buruzagiak hartu dute parte. Kritikoen esanetan, Sortu EH Bilduz "jabetzen" ari da, eta hori Eusko Alkartasunaren eta koalizioaren beraren kalterako da, "ezker abertzale historikoaren baldintzetara mugaturik dagoelako, haren iraganak eta erradikalismo ideologikoak baldintzatuta".
Horregatik, EAko zuzendaritzak Sorturi "arima eman" diola ikusita, Eusko Alkartasunak biltzarra egin behar duela uste dute, "egoerari buelta emateko".
Kongresua alderdia "hausteko gogorik gabe", baina EH Bilduren "ideia originala" berreskuratzeko asmoarekin deitu behar dute: "bloke zabal, aurrerakoi eta abertzalea" biltzea, alegia.
Besteak beste, "izendapen bakoitzerako konpromiso programatikoak adostu" behar direla uste du EAko sektore kiritikoak, eta adostu ez diren gaietan alderdi bakoitzaren "askatasuna eta independentzia" bermatu behar direla.
Era berean, "koalizioen berezko aniztasunarekin errespetuzko arauak" ezartzea eskatu dute kritikoek. Horretarako, zerrendetan alderdien ordezkaritza, txandakako bozeramaileak edo bozeramaile "taldeak" aldarrikatu dituzte, eta hala badagokio, "erakundeetan txandakatzea".
Azkenik, "oinarri abertzale eta aurrerakoi zabaleko programa adostuak" eskatu dituzte, koalizioaren "alderdi anitzek onartu" ahal izateko.
Albiste gehiago politika
Zarauzko eta Azpeitiako udalek Txiki eta Otaegiren aitortza ekitaldiak egin dituzte
Zarautzen ostiral honetan eta Azpeitian ostegunean aitortu dituzte Frankoren diktaduran fusilatutako bi gazteak eta adierazpen instituzionalak irakurri dituzte "egin zitzaien injustiziaren aurrean elkartasuna eta gizatasuna” adierazteko.
EAEko Auzitegi Nagusiak eta Jaurlaritzak epaitegietako plantilla handitzea eskatu dute, “gainezka daudelako”
Lehendakariak eta Auzitegi Nagusiko presidenteak EAEko epaitegien saturazioa salatu dute Urte Judizialaren irekiera ekitaldian. Justizia ministroak hiru urtetan 2.500 plaza sortuko direla Estatuan iragarri du.
Pradalesek CAF babestu du, eta "Gazako genozidioan" ez duela laguntzen azpimarratu du
Imanol Pradales lehendakaria eta Jon Hernandez Sumarreko legebiltzarkidea aurrez aurre izan dira gaur Eusko Legebiltzarreko kontrol saioan. Hernandezek azalpenak eskatu dizkio CAFek Jerusalemen duen tren arinaren proiektuaren inguruan, Jaurlaritzak partaidetza baitu Gipuzkoako enpresan; Pradalesek, berriz, gaur egun palestinarrek bizi duten drama ez instrumentalizatzeko eskatu dio Hernandezi.
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.