BVEk bortxatu eta hil zuen Maria Jose Bravorentzako arrosak, Donostian
BVEk (Batallon Vasco-Español) Maria Jose Bravo del Valle bortxatu eta hil zuen 1980ko maiatzaren 7an, Donostian. 16 urteko ikaslearen krimen basatia sekula ez dute ikertu. Larunbat honetan omenaldia egin diote, plaka bat jarriz.
41 urte isilean eman ondoren, hiriak omenaldia egin dio Loiola auzoan, gaztea bizi zen etxetik gertu. Udalak plaka bat jarri du lurrean, haren memoria gordetzeko. Donostiako beste toki batzuetan antzeko plakak jarri dituzte dagoeneko, beste erasoetako biktimak gogorarazteko.
Bravoren lagunak zein senideak eta Udalbatzako kideak, tartean Eneko Goia alkatea, Latsari plazan bildu dira. Isilean, Donostiako txistulari bandak jotzen zuen bitartean, banan-banan arrosa zuriak eta lore sortak jarri dituzte plakaren gainean.
Txalo artean ekitaldi hunkigarriari amaiera eman diote. Zuriñe Bravo biktimaren ilobak kritikatu duenez, omenaldia "berandutxo" heldu da.
Donostiako Udalak ekimen berdinean omentzen duen hamabigarren biktima da. Iragan legealdian plakak jartzen hasi zen, "terrorismoaren eta indarkeria politikoaren biktimei esparru publikoan ikusgarritasuna emateko".
BVEko kideek Maria Jose eta haren mutil-laguna, Francisco Javier Rueda Alonso, Loiolako kuartel militarretik hurbil harrapatu zituzten. Rueda Alonso astindu eta konorterik gabe utzi zuten. Bikotekidea zortzi urte geroago hil egin zen, zauri larrien ondorioz.
Emakumea Zorroagako eremu batera eraman, bortxatu eta burua kolpeka txikitu zioten. Gorpua biharamunean topatu zuten, biluzik gerritik behera.
Eusko Jaurlaritzako Bake eta Bizikidetza Idazkaritza Nagusiak 2015ean udalen eskura jarritako dokumentuan agertzen dira xehetasun horiek guztiak.
Txostenak zehaztu zuenez, ultraeskuineko erakunde terroristak hilketa bere gain hartu zuen. "ETAren isil-mandataria delako hil dugu", aldarrikatu zuen BVEk orduan. Baina familiak beti gezurtatu eta ukatu du, Noticias de Gipuzkoa egunkariak jakitera eman duenez.
1980an gertatutakoa jende gutxik daki edo gogoratzen du. Horregatik, izekoaren hilketari "ikusgarritasuna ematea" ongi iruditzen zaio ilobari, baita "jendeak ezagutzen ez dituen beste hainbat kasuri ere".
Krimena ikertzen saiatu zen familia, baina "Gobernu Zibilak froga guztiak suntsitu zituen", Zuriñe Bravok salatu duenez. "Ezin izan zuten ezer ikertu, frogak desagertu ziren, arropa desagertu zen, guztia desagertu zen, zer ikertuko dute. Ezin izan zuten ezer egin", nabarmendu du.
"Hor geratu da, ahanzturan", deitoratu du Maria Joseren ilobak. Patxi Lopez lehendakari zenean, eskaera egin eta Eusko Jaurlaritzak izekoa biktimatzat aitortu zuen, baina Espainiako Gobernuak ez du gauza bera egin.
Nahiz eta denbora asko pasa, familiak Maria Joseren hilketa gogoan izan du beti, Zuriñek ziurtatu duenez. 1980an Zuriñe haurtxo bat baino ez zen.
"Noski, ez dut gogoratzen, baina familiaren atsekabea bizi izan dut. Aitak aurpegiaren keinua aldatzen du, bere arreba txikia zen. 14 urteko alaba dut, antzerako zerbait gertatzen bazaio, hilko ninduen. Oso gogorra da, ez bakarrik hil izana, guztia. Neskatxa bat zen", azaldu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.