Fiskaltzak bost urteko kartzela-zigorra eskatu du Josu Urrutikoetxearentzat
Frantziako Fiskaltzak bost urteko kartzela-zigorra eskatu du Josu Urrutikoetxearentzat, akusatuak esaten duenaren aurka, uste duelako ez zuela ETA utzi erakunde armatua 2018an desegin zen arte. Defentsak, berriz, absoluzioa eskatu du, eta epaiketa epaiaren zain geratu da.
Fiskalak Parisko Auzitegi Korrekzionalari eskatu dio Urrutikoetxea zigortzen badute ez dadila segituan espetxean sartu, eta gaineratu du, kasu horretan, behin betiko Frantziako Estatutik kanporatu beharko luketela.
Fiskaltzaren arabera Urrutikoetxeak ez zuen "inola ere hautsi" ETArekin, berak kontrakoa esaten duen arren. Izan ere, ETAko kide ohiak deklaratu du 2006an utzi zuela erakunde armatua, desadostasunengatik, borroka armatua utzi egin behar zela uste baitzuen.
ETA desegin zenean agiria irakurri zutenetako bat Urrutikoetxea izan zela azpimarratu du Fiskaltzak, eta hori "erakunde terroristako kide zelako" egin zuela.
Urrutikoetxea errebeldian epaitu zuten 2017an auzi honen harira, baina akusatuak epaiketa errepikatzeko eskubidea baliatu du 8 urteko kartzela-zigorra (fiskalak gehiegizkotzat jotzen duena) saihestu ahal izateko eta auzi saioak bera aurrean dela egiteko.
Absoluzioa
Iaztik besoko elektronikoarekin kontrolpean dagoen akusatuaren defentsak argudio nagusi bat du absoluzioa eskatzeko: 2006ko irailean utzi zuela ETA.
Era berean, azpimarratzen du Urrutikoetxeak duen ibilbideagatik eta borroka armatua uzteko zuen borondateagatik parte hartu zuela negoziatzaile taldean, Norvegian.
Laurent Pasquet-Marinacce abokatuak nabarmendu du ikerketetan ez dutela frogarik aurkitu Urrutikoetxea 2005etik aurrera ETArekin lotzeko, eta horrek agerian uzten omen du ez zuela harremanik erakunde armatuko kideekin.
Epaiketa ebazpenaren zain geratu da, eta irailaren 1ean kaleratuko da, Frantzian izango duen bigarren epaiketa baino 12 egun lehenago. Hori ere epaiketa baten errepikapena izango da, 2010ean errebeldian egin ziotena, hain zuzen ere.
Bestalde, Frantziako Justiziak Urrutikoetxea Espainiaratzea berretsi du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.