Espainiak abuztuan Pfizerren txertoaren 3,4 milioi dosi jasoko dituela iragarri du Sanchezek
Pedro Sanchez Espainiako Gobernuko presidenteak ostiral honetan aurreratu duenez, Espainiak Pfizerren txertoaren 3.400.000 dosi jasoko ditu abuztuan, covid-19aren aurkako txertaketan "aurrera egiteko".
Hain zuzen ere, Salamancako San Esteban komentuan egindako Presidenteen Biltzarrean eman du horren berri, Alfonso Fernandez Mañueco Gaztela eta Leongo Juntako presidentearekin batera egindako agerraldian.
"Abuztuan Pfizerren txertoaren 3.400.000 dosi jasotzeko akordioa lortu zuen atzo Carolina Darias Osasun ministroak, eta, beraz, 13.000.000 txerto jarrita izatetik 16.000.000 izatera igaroko gara Espainian. Gauzak horrela, uda amaitu aurretik posible izango da espainiarren % 70 txertatuta egotea, eta helburu hori aurreikusi baino lehenago lortuko da", azpimarratu du.
Espainiako Gobernuko presidenteak gogora ekarri duenez, "duela urtebete ez zegoen txertorik" eta egoera guztiz bestelakoa zen; 55.000 langabe gehiago zeuden, milioi bat langile gutxiagorekin, eta Barne Produktu Gordinak (BPG) behera egin zuen. Halaber, iazko bileran, datozen sei urteetan jaso beharreko Europako funtsen lehen akordioa aurkeztu zuen, baina orduan "proiektu bat besterik ez zen".
"Duela urtebete bizi izandako egoera gogora ekartzen badugu, uste dut onerako egin dugula aurrera. Gaur egun txertoa dago, eta herritarren % 56 babestuta dago jada", adierazi du Sanchezek. Gainera, ekonomiari dagokionez, BPGa goranzko bidean dago, Biztanleria Aktiboaren Inkestaren datuen arabera enplegua sortzen ari da eta Gizarte Segurantzan alta gehiago daude.
Horrez gain, Presidenteen Biltzarrean, despopulazioaren arazoari aurre egiteko asmoz Gobernuak hartutako neurrien balantzea aurkeztuko die autonomia erkidegoetako buruzagiei. Ildo horretatik, estrategia hori 10.000.000 euroko plan nazional batekin gauzatzen hasi dela aurreratu du, eta lurraldeko eremu jakin batzuetarako ekimen garrantzitsua dela nabarmendu du.
"Herritarrentzat oso garrantzitsuak diren gaiak jorratuko ditugu; besteak beste, despopulazioaren arazoari aurre egiteko modua", esan du Espainiako Gobernuko presidenteak.
Europako laguntzak
Sanchezek autonomia erkidegoetako presidenteei jakinarazi dienez, eskualdeetako gobernuek 2021ean Espainiak krisitik ateratzeko jasoko dituen ekonomia suspertzeko Europako funtsen % 55era arte kudeatuko dute.
Horretarako, hainbat irizpide hartuko dira kontuan funts horiek 17 erkidegoen artean banatzeko orduan.
Lehen aurrerakinaren ostean, Espainiak 19.000 milioi euro jasoko ditu 2021ean Europar Batasuneko berreskuratze funtsetik, eta sei hilean behin tarte berriak desblokeatu beharko ditu, Europako Batzordearekin adostutako hainbat helburu eta mugarri betetzen dituen heinean.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.