18.700 pertsonak lortu dute lana 2021eko bigarren hiruhilekoan Hego Euskal Herrian
2021eko bigarren hiruhilekoan, 18.700 pertsonak lortu dute lana Hego Euskal Herrian, eta dagoeneko 1.197.800 langile daude guztira, Espainiako Estatistika Institutu Nazionalak (INE) ostegun honetan jakitera emandako Biztanleria Aktiboaren Inkestaren datuen arabera.
Hain zuzen ere, Euskal Autonomia Erkidegoan (EAE) 12.700 pertsona gehiago daude lanean (914.100 guztira), eta Nafarroan, berriz, 6.000 gehiago (283.700).
Datuen arabera, EAE eta Nafarroa dira bigarren hiruhilekoan langabezia-tasa baxuenak izan dituzten autonomia-erkidegoak. EAEn, langabezia-tasa % 10,02koa da, eta Nafarroan, % 10,3koa.
Euskadiren kasuan, datuak lurraldez lurralde aztertuta, langabezia-tasa txikiena Gipuzkoak izan du (% 7,78), Arabakoa (% 10,47) eta Bizkaikoa (% 11,32) handiagoak izan baitira. Sexuen arabera, 2021eko bigarren seihilekoan langabezia-tasa % 9,63ra igo da gizonen artean eta % 10,42ra emakumeen artean.
Testuinguru horretan, urteko bigarren hiruhilekoan 9.500 langabe gutxiago zenbatu dituzte EAEn (% 8,54), eta 3.300 gutxiago Foru Erkidegoan (% 9,24). Ildo horretatik, Nafarroan 32.600 langabe zenbatu dituzte guztira.
Espainian, oro har, 464.900 langile gehiago daude, 19.671.700 guztira, covid-19ari aurre egiteko neurriak lasaitu direlako eta txertaketa-kanpainak aurrera egin duelako.
Ildo horretatik, 110.100 langabe gutxiago daude Estatuan (3.543.800 guztira); beraz, langabezia-tasa % 15,26ra jaitsi da.
Biztanleria aktiboak ere gora egin du, lan egiteko adina duten edo enplegua bilatzen ari diren 354.800 pertsona gehiago zenbatu baitira (23.215.500 guztira).
Zure interesekoa izan daiteke
3.368 langabe gutxiago zenbatu dituzte EAEn eta 833 gutxiago Nafarroan, apirilean
Urte arteko datuak alderatuta ere langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.