Kautelazko neurriak murriztu dizkio Frantziak Josu Urrutikoetxeari, eta eskumuturreko telematikoa kendu dio
Frantziako Justiziak eskumuturreko telematikoa kendu dio Josu Urrutikoetxeari. Neurri horrekin etxean espetxeratuta zegoen iragan 2020ko uztailetik Parisen, eta espetxe-onura horri esker familiarekin batera joan da Angelura (Ipar Euskal Herria). Hala ere, kontrol hori kendu dioten arren, Urrutikoetxeak kautelazko neurriak betetzen jarraitu beharko du, eta astean hiru aldiz aurkeztu beharko da polizia-etxean.
70 urteko ETAko buruzagi ohia 2019ko maiatzean atxilotu zuten Sallanchesen, Frantziako Alpeetan, ia 17 urtez klandestinitatean egon ostean. Urte horretako ekainean, Frantziako Apelazio Auzitegiak behin-behinean aske utzi zuen, osasun arrazoiengatik, baina La Santeko espetxea uzten ari zela, berriro atxilotu egin zuten, Espainiako Auzitegi Nazionalak hainbat arrazoirengatik errekeritzen zuela baieztatu ondoren.
Hain zuzen ere, uztailean, 11 hildako utzi zituen Zaragozako kuartelaren aurka 1987an egindako atentatuagatik auzipetu zuen Auzitegi Nazionaleko Zigor Arloko Salak.
Parisko Kasazio Gorteak 2020ko azaroan atentatu horregatik Espainiako Estatuari behin betiko entregatzeko baimena eman zuen, baita ETA herriko tabernen bidez ustez finantzatzeagatik zabaldutako auziagatik ere.
Auzitegi Nazionalak gizateriaren aurkako delituei buruzko auzian Urrutikoetxea ere auzipetzea eskatu zuen, erakunde armatuko beste buruzagi ohi batzurekin batera. Hala ere, kasu horretan, Frantziako agintariek ukatu egin zioten Espainiako Estatuari itzultzea.
Iraileko epaiketa
Josu Urrutikoetxea Frantzian izango duen azken epaiketaren zain dago, irailerako aurreikusita dagoena. Orduan erabakiko dute Frantziako agintariek ETAko buruzagi ohia Espainiako Estatuaren esku utziko duten ala ez.
Epaiketa aurtengo otsailerako programatuta zegoen, 2002 eta 2005ean jazotako gertakari batzuengatik, baina, azkenean, atzeratu egin behar izan dute, osasun arrazoiengatik zenbait lekuko ezin zirelako bertaratu.
Gertaera horiengatik, bost urteko kartzela-zigorra ezarri zioten lehen auzialdian Urrutikoetxeari, "gaizkile terroristen elkarteko" kide izatea egotzita. Hala ere, in absentia ebatzi zutenez, berriz ere aurrez aurre epaitzeko eskatu zuen.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.