Antifaxisten kontrako kargekin amaitu da Voxek Arrasatera egindako bisita
Tentsio uneak eta poliziaren kargak bizi izan dira gaur eguerdian Arrasaten, Terrorismoaren kontrako Ahotsak elkarteak Voxen babesarekin "Unai Parot ETAko kidearen biktimen omenez" antolatu duen elkarretaratzearen harira. Adineko bat zauritu da liskarretan.
Arizmendiarrieta plazan egin dute Voxeko ekitaldia, 1936an frankistek Deba Goienan fusilautako 124 pertsonen omenezko monolitoak dauden tokian, hain zuzen ere. Hala, bisitaren aurretik, Intxorta 1937 elkarteko kideek oihal beltzez estali dituzte eskulturak, dolua agertzeko.
Kolektibo antifaxistak ere bisitaren kontrako protesta egin du Vox iritsi aurretik, "faxismoaren aurrean, antolakuntza eta borroka" leloa zeraman pankartarekin, herriko plazan.
Santiago Abascal Voxeko presidentea Javier Ortega Smith eta Macarena Olonarekin batera izan da Arrasaten. Sare presoen eskubideen aldeko plataformak gaurko deituta zuen elkartasun martxaren harira deitu zuen eskuin-muturreko alderdiak gaurko ekitaldia bertan. Biziarteko espetxe zigorra ahalbidetzen duen legediaren kontra deitu zuen bere ekitaldia Sare presoen eskubideen aldeko herri plataformak, baina sortutako anabasaren ondoren, bertan behera uztea erabaki zuen atzo. Voxek, baina, bere kontzentrazioari eutsi dio.
Abascalek erakundeen "permisibilitatea" eta Pedro Sanchez Espainiako Gobernuko presidentearen "konplizitatea" salatu ditu elkarretaratzean, batzuk "terrorismoa goraipatuz eta ETAren krimen guztiak aldarrikatuz" dabiltzan bitartean.
Ertzaintzaren dispositibo zabal batek zaindu du Voxek eta Terrorismoaren kontrako Ahotsak taldeak deitutako elkarretaratzea, manifestari antifaxistek oihu egiten zieten bitartean. Francisco Jose Alcaraz Vox alderdiko diputatua da Terrorismoaren kontrako Ahotsak elkarteko presidentea. Alcaraz 1987an Zaragozako kuartel-etxearen aurkako atentatuan hildako hiru pertsonaren anaia eta osaba da. Unai Paroti egozten zaio atentatu hura.
Ultraeskuindarren kontzentrazioaren inguruan beste elkarretaratze bat egin dute Sare Antifaxistako kideek, eta tentsio momentuak bizi izan dira, Voxeko jarraitzaileek bilkura amaitu eta autobuserako bidea hartu dutenean. Bi protestetako jendea elkartu ez zedin, kargatu egin du Ertzaintzak.
Sortu den zalapartaren ondorioz, inguruan zegoen edadeko gizonezko bat erori egin da, eta buruan kolpea hartu du. Anbulantzian eraman dute erietxera. Lekukoen arabera, polizia-kargatik ihesi zihoan pertsona talde batek bota du gizonezkoa.
Tentsio uneak bai, baina ez da aparteko istilurik izan, eta egoera berehala etorri da bere onera. Inguruko hainbat denda itxita egon dira tarte batean.
Ordu eta erdi lehenago, Euskadiko PPk ere Paroten biktimen aldeko ekitaldia egin du Arrasaten, ETAk Jose Antonio Ortega Lara espetxeetako funtzionarioa eta Julio Iglesias Zamora industriala bahituta eduki zituen lantegiaren ondoan egindako elkarretaratzean. Ekitaldi honetan ez da aparteko arazorik izan, baina PPko buruzagiek "faxistak, kanpora, utzi bakean Arrasate" leloa zuen pintada handi bat zuten zain.
19:00etarako manifestazioa du deituta Sarek Arrasaten, euskal presoei, tartean Unai Parot ETAko kide ohiari, ezartzen zaien "biziarteko espetxe zigorra" salatzeko. 12:00etan izan dira kontzentrazioak Euskal Herriko gainontzeko herrietan.
Zure interesekoa izan daiteke
Ministro Kontseilua atzeratu egin da Sumarreko ministroak alokairuaren luzapena dekretutik kanpo uztearen aurka agertu direlako
Bilera hori egiteko zain, Ministroen Kontseiluak mahai gainean duen lege-dekretuak neurri fiskal sorta bat jasotzen du, besteak beste erregaien, argiaren eta gasaren BEZa % 10era jaistea ekarriko lukeena.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.