Generalitateak "jazarpen politikoarekin eta errepresioarekin" amaitzea eskatu du
Pere Aragones Generalitateko presidenteak Kataluniako independentismoaren kontrako "errepresioa" geldiarazteko eskatu dio gaur Espainiako Estatuari, Carles Puigdemont Kataluniako presidente ohia "lehenbailehen" aske geratu dadin.
Adierazpen horiek egin eta ordu gutxira, Sassariko (Sardinia, Italia) Apelazio Auzitegiak aske utzi du Puigdemont, kautelazko neurririk gabe, hurrengo egunetan auzia aztertu arte Sardiniatik ez ateratzeko baldintzarekin.
Aragonesek agerraldi ofiziala egin du eguerdian Generalitateko jauregiaren galeria gotikoan, gobernuko kontseilariak ondoan zituela. Goizean, bart egindako atxiloketak bultzatuta, aparteko bilera egin du Generalitateak, eta ondoren agertu da prentsa aurrera presidentea.
Iragarri duenez, arratsaldean Sardiniara (Italia) joango da Puigdemonti babesa ematera, eta Jordi Puignero presidenteordea eramango du berarekin.
Aragonesek azpimarratu du egoera "oso larria" dela, eta Puigdemonten eta beste buruzagi politikoen kontra dauden euroaginduak erretiratzeko eskatu du beste behin.
Azaldu duenez, Puigdemont atxilotu zutenetik harremanetan egon dira Generalitatea eta Espainiako Gobernua. "Atxiloketa honek ez du laguntzen gatazka politikoa konpontzen, ezta bi aldeen arteko konfiantza giroa sortzen ere", salatu du.
Aragonesen hitzetan, "Espainiako Estatuak ez du fede onez jokatu Europako justiziarekin, mendekua baino ez du bilatzen. Nahikoa da jazarpen politiko eta errepresioarekin".
Espainiako Gobernuaren ordezkaritzarekin izandako hartu-emanez galdetuta, Aragonesek esan du Generalitateak honako mezua helarazi diola Moncloari: "Amnistia eta autodeterminazioa dira bide bakarrak, horrela baino ez da konponduko gatazka politikoa".
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.