Puigdemont atxilotu dute Sardinian
Carles Puigdemont atxilotu dute gaur Sardinian. Espainiako Auzitegi Gorenak emandako agindu baten atzeman dute Kataluniako Gobernuko presidente ohia.
Junts per Catalunya (JxCat) alderdiko iturriek azaldu dutenez, L'Alguer hiriko aireportuan atxilotu dute, eta ostiral honetan eramango dute epailearen aurrera, estraditatu ala ez erabakitzeko. Puigdemontek Gonzalo Boye abokatuaren eta Italiako abokatu talde baten laguntza izango du.
JxCat alderdiko eurodiputatua ostegun arratsaldean joan da Bruselatik Sardiniara, Adifolk elkartearen nazioarteko topaketan parte hartzeko asmoz.
Sare sozialetan zabaldutako mezu batean, Gonzalo Boyek jakinarazi du atxiloketa 2019ko urriaren 14an emandako euroagindu baten ondorio dela, baina "ebazpen hori indargabetuta" dagoela, Europar Batasuneko Justizia Auzitegiaren Estatutuaren arabera.
Bestalde, Pere Aragones Generalitateko presidenteak eta Oriol Junqueras ERCko buruzagiak salatu egin dute Puigdemonten atxiloketa, eta biek azpimarratu dute amnistia eta autodeterminazioa direla konponbide bakarra.
"Errepresio judizialaren aurrean, nire gaitzespenik irmoena. Gelditu beharra dago. Amnistia da bide bakarra. Autodeterminazioa da konponbide bakarra. Zure alboan gaude, president", idatzi du Aragonesek sare sozialetan.
"Estatuaren errepresio etengabea geldiarazteko modu bakarra dago: amnistia, autodeterminazioa eta independentzia", nabarmendu du Junquerasek beste mezu batean.
Bitartean, PP, Vox eta Ciudadanos alderdietako buruzagiek Kataluniako Gobernuko presidente ohia Espainiara estraditatzeko eskatu dute, epaitua izan dadin. Ildo horretan, indulturik ez emateko ere galdegin dute.
Zentzu horretan, Espainiako Gobernuak uste du atxiloketa abian den prozedura judizial baten ondorio dela, eta Europako beste edozein herritarrek bezala, Justiziari men egin behar diola.
Zure interesekoa izan daiteke
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Bihar goizean, Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, eta arratsaldean, Iruñeko San Frantzisko parrokian, hileta-elizkizuna egingo da.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.
Lehendakariaren adierazpen instituzionala Garaikoetxearen heriotzaren ondoren
Imanol Pradalesek adierazpen instituzionala egingo du 11:30ean, atzo Carlos Garaikoetxea lehendakaria hil eta gero.
Albiste izango dira: Carlos Garaikoetxeari agurra, Tubos Reunidosen hartzekodunen konkurtsoa eta Maialen Mazonen ustezko hiltzailearen aurkako epaiketa
Gaurkoan Orain-en albiste izango direnen laburpena, bi hitzetan.
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta “oso eskertuta” egon beharko genukeela.
Eusko Jaurlaritzak hiru dolu-egun ezarri ditu
Dolu-aldia astelehen honetan hasi da eta asteazkenean amaituko da. Gorpua bihar, asteartea, Iruñeko beilatoki batean egongo da, eta asteazkenean Ajuria Enean jarriko dute hil-kapera.
Garaikoetxea "garai zailetan ezina ekinez lortu" zuen liderra izan zela nabarmendu du Pradalesek
Mezu batean, lehendakariak eskerrak eman dizkio herriari onena emateagatik: "Eskerrik asko maite zenuen herriaren eta askatasunaren alde onena emateagatik. Ez dizugu hutsik egingo".
Euskal politikariek eta gizarteak Carlos Garaikoetxeari esker ona adierazi diote
Frankismoaren ondorengo lehen lehendakaria euskal gizarteak maite eta miretsi zuen pertsona izan zen. Sareak esker on eta omenaldi mezuz bete dira albistea zabaldu bezain pronto.