Ramirezek salatu duenez, EAk sektore kritikoaren buruzagiak kaleratzeko espedienteak zabaldu ditu
Maiorga Ramirez parlamentari nafarrak ostiral honetan salatu duenez, EAko zuzendaritzak alderdiko sektore kritikoaren buruzagi batzuei kaleratzeko espedientea zabaldu die, tartean Miren Aranoa, Iratxe Lopez de Aberasturi, Mikel Goenaga, Esther Korresi eta Ramirez berari.
Ramirezek prentsaurrekoa eman du Donostian, Groseko alkartetxean. Iragan asteartean ebazpen judizial baten berri eman zuen toki berean. Orduan azaldu zuenez, erabaki judizialak sektore kritikoari arrazoia eman dio, Eba Blanco alderdiaren Idazkaritza Nagusira eraman zuten barne-hauteskunde prozesua errepikatzea agintzen duelako.
Erabaki judizialari emandako erantzuna "kaleratzeko espedienteak zabaltzea" izan dela esan du Ramirezek gaurko agerraldian, Eba Blancorentzat "epaitegien zartada itzela izan delako". Alderdiko zuzendaritzaren ekimena "aberrazio politikoa" dela uste du parlamentari nafarrak. Orain 15 eguneko epea dute alegazioak aurkezteko.
Eba Blancoren eta haren "lobbyaren" jokamoldea deitoratu du kritikoen buruzagiak, "egindako irregulartasunak eta hanka-sartzeak berehala eta modu demokratikoan zuzendu beharrean, irregulartasun horiek salatu zituztenei espedientea zabaltzea" erabaki dutelako.
Ramirezen hitzetan, "bi ikuspegi erabat kontrajarriren artean afiliazioak erabakitzea saihestu nahi du sektore ofizialak, nola edo hala: EH Bilduren besoetara entregatzea edo EA eta koalizioa berrindartzea". Kritikoen "aukera" azkena da, erantsi duenez.
"Guztia Biltzar Nazionalaren bezperan gertatu da, kaleratzeak lehenago gauzatu nahi dituztelako, eta akaso horrela eskuak libre izan prozesu judizial ezberdinetan agerian geratu diren irregulartasunak berriz errepikatzeko", kritikatu du.
"Purga"
Testuinguru honetan, EH Bilduren "egiturei" zein Arnaldo Otegi buruzagiari "neutraltasuna" eskatu die Ramirezek. "Purgei eta oinarrizko eskubideen urraketari babesa emateari uztea", eskatu die, "nahiz eta egiten dituenak aliatua izan, EAri koalizio barruan dagokion paperaren ikuspegian".
"Alderdi politiko baten barruan irregulartasunei eta garbiketei zilegitasuna ematen ari dira babes horrekin", ohartarazi du. "Inork ez dezala zalantzarik izan", azkenean alderditik botatzen badituzte, "ehunka afiliatuk" ordezkatuko dituzte EAren alde lanean jarraitzeko, gaineratu duenez.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.