Puigdemonten estradizioari buruzko lehenengo auzi-saioa egingo dute astelehen honetan Sardinian
Carles Puigdemont Kataluniako presidente ohiak adierazi du "etxeko lanak eginda" iritsiko dela Sardiniako auzitegian deklaratzera.
Puigdemont irailaren 23an atxilotu zuten Italiako uhartean, baina libre geratu zen ordu batzuetara, eta orain epaile batek erabaki beharko du Espainiako agintarien esku uzten duen ala ez.
Sassariko Apelazio Auzitegian deklaratuko du presidente ohiak Espainiara estraditatzeari buruzko lehenengo auzi saioan, baina ez da espero berehalako erantzunik jasotzea.
Gonzalo Boye eta Agostinangelo Marras Puigdemonten abokatuek adierazi dute erabakia ez dela izango berehalakoa, hau da, ez dela laster jakingo L'Alguerrera iritsi zenean atxiloketa eragin zuen euroaginduaren prozesuak aurrera jarraituko duen ala ez.
Puigdemont igande honetan iritsi da Sardiniari Belgikatik, bizi den herrialdetik, Boye abokatuarekin batera. Sardinian abokatu italiarrarekin elkartuko dira Salvatore Marinaro epailea buru duen auzitegiko saioa prestatzeko.
Horrez gain, Toni Comin eurodiputatua (presidente ohiarekin joan dena) eta Clara Ponsati (Sardian zegoen) ere daude jada Italiako uhartean.
Astelehen honetako saioa 11:00etan hasiko da, baina "segurtasun arrazoiengatik", presidente ohiak ez du adierazpenik egingo, ez sarreran ez irteeran. Hala ere, prentsaurrekoa deitu du 18:30erako L'Alguerren.
Pablo Llarena Espainiako Auzitegi Goreneko magistratua ari da Puigdemonten aurkako auzia zuzentzen, eta azken orduotan Espainiaratzea eskatzeko eskaera bat helarazi dio Italiako auzitegiari, euroagindua indarrean dagoela eta immunitaterik ez duela iritzita.
Albiste gehiago politika
Puigdemontek babes-helegitea jarri du Auzitegi Konstituzionalean eta atxilotze-agindua baliogabetzeko eskatu du
Auzitegi Gorenak eta instrukzio-epaileak emandako autoei jarri die errekurtsoa. Gorenak amnistia ukatu zion, diru publikoa bidegabe erabiltzea leporatzen diotelako.
Eusko Jaurlaritzak elkarrizketa esparruak errespetatzeko eskatu dio PPri, eta "Euskadiri bizkarra ematea" egotzi dio
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuak berretsi du Euskadik ez duela migratzaile adingabe gehiago hartuko, "erantzunkidea" izan delako "urte askotan".
Espetxera bidali dute Deport them Now talde neonaziko buruzagia, Torre Pachecon etorkinen "ehizaldia" deitzeagatik
Gorrotoa bultzatzea, legez kanpoko erakundeko kide izatea eta armak legez kanpo edukitzea leporatzen diote 29 urteko espainiarrari. Fidantzarik gabeko espetxealdi komunikatua ezarri diote.
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.