ETAko presoei "ere humanizatzeko irizpideak" aplikatzea eskatu dio Etxeratek Eusko Jaurlaritzari
Espetxe eskumena bere gain hartuta, EAEko kartzeletan dauden ETAko 63 presoei "ere humanizatzeko irizpideak" aplikatzea eskatu dio Etxerat elkarteak Eusko Jaurlaritzari. Era berean, "birgizarteratzea" lortzeko "ibilbide juridikoa erraztea", eskatu du elkarteak.
Bestalde, Espainiako Gobernuari "behingoz salbuespenarekin" bukatzea eskatu dio. Presoak Euskal Herriko espetxeetara eramateaz gain, ETAko 113 presoei "legedia arrunta" aplikatzea exijitu du kolektiboak, gainerako presoek bezala onurak lortu ahal izateko.
Patricia Velez Etxerateko bozeramaileak eta Onintza Ostolaza abokatuak prentsaurrekoa eman dute Donostian. ETAko presoen kolektiboaren egoera aztertu dute.
Eusko Jaurlaritzako arduradunen asmoak eta adierazpenak hizpide izan dituzte. "Egungo egoerarekin benetan bat datorren espetxe politika baten" aldeko apustua egitea eskatu diete, ETAko presoek zigorrak "erregimen irekian" betetzeko.
"Espetxe Zerbitzuetako Idazkaritza berriari salbuespen neurriak ez mantentzeko eskatzen diogu", adierazi du Velezek. Era berean, "ibilbide juridikoa erraztea" eta "guztien birgizarteratzea laster" burutzeko aukera legalak "azkar aplikatzea", eskatu dio.
ETAko 100 bat preso Euskal Herriko kartzeletara lekualdatzea "aldarrikatzen jarraitzeko" eskatu dio Iñigo Urkulluren Gobernuari.
ETAko preso "gehienek" sufritzen duten "blokeoari" amaiera emateko eskatu dio Estatuko Administrazioari. Azaldu duenez, nahiz eta baldintzak bete, "ez dute zigorrak luditzea, baimen, hirugarren gradu eta baldintzapeko askatasunaz gozatzen".
"Presorik gabeko gizarte baterantz joateko oztopoak jartzen jarraitzea ezinezkoa da, bizikidetza lortzeko ezinbesteko bermea baita", esan du Etxerateko bozeramaileak. ETAren indarkeria amaitu eta 10 urte geroago, "elkarbizitzaren bidea blokeatzen duen salbuespen erregimena desaktibatzeko denbora nahikoa da", presoen "birgizarteratze eta askatasun ibilbidearentzako".
"Salbuespenaren" euskarri diren lege organikoak "indargabetu" behar direla erantsi du abokatuak. Auzitegi Nazionalaren eta espetxeratuen zaintzako epaitegiaren "eskumenarekin" bukatzea aldarrikatu du, "Espainiako Konstituzioa betetzeko modu bakarra delako, preso guztien birgizarteratze eskubidea, alegia".
Etxeraten arabera, ETAko 197 preso daude egun, horietako 63 EAEko espetxeetan, 13 Nafarroan, 100 gainerako erkidegoetan eta 21 Frantzian.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.