Calviño eta Diazekin bilduko da Sanchez, lan erreformaren inguruan Exekutiboaren jarrera finkatzeko
Pedro Sanchez Espainiako Gobernuko presidentea Nadia Calviño eta Yolanda Diaz lehendakariordeekin elkartuko da datorren azaroaren 2an, bai eta Ogasuneko, Gizarte Segurantzako eta Hezkuntzako ministerioko kideekin ere, Exekutiboak elkarrizketa sozialeko mahaiaren bilerara begira jarrerak bateratzeko, "koalizio Gobernuaren akordioaren baitan".
Komunikazioko Estatu Idazkariak ohar batean azaldu duenez, "akordioa erdietsi da" koalizio-Gobernuaren baitan "lan erreforma koordinatzeko".
Asteartean Isabel Rodriguez Gobernu bozeramaleak eta Calviñol berak elkarrizketa mahaian Diazen lidergoa aitortu ondotik dator negoziazio formatuen akordioa, nahiz eta biek hala biek ministro sozialistek zuzendutako beste ministeritza batzuen partaidetza ere aldarrikatu duten.
Haatik, gaur goizean bertan, Italiatik, Yolanda Diazek esan du Sanchezek berak zuzend beharko lukela lan erreformaren inguruko negoziaketa.
Sanchez, Calviño eta Diazen bilera honetaz gain, Exekutiboak jakitera eman du lan erreformarako elkarrizketa sozialerako mahaia asteazken goizetan bilduko dela.
Espainiako Gobernuak mahai horretan izango duen ordezkaritzaren buru Joaquin Perez Rey Enpleguko estatu-idazkaria izango da, bai eta Presidenteordetza Ekonomikoko eta Gizarte Segurantzako Ministerioko bi zuzendari nagusi ere; hala ere, aztertzen diren gaien arabera, zeresana izan dezaketen beste ministerioetako ordezkariak bertaratu ahal izango dira.
Asteartero, 17:00etan mahaian Gobernuak izango duen jarrera zehazteko bilera egingo da; bertan izango dira Enpleguko, Ekonomiako eta Gizarte Segurantza eta Pentsioetako estatu-idazkariak ere.
Horiek denak asteazken arratsaldetan bilduko dira berriro, goizeko bileraren nondik norakoak aztertu eta hurrengo bilerarako zereginak koordinatzeko.
Era berean, garrantziak edo gai jakinen konplexutasun politikoak hala eskatzen duen neurrian, bilerak egingo dituzte Nadia Calviñok eta Yolanda Díazek, ahal dela, Gai Ekonomikoetarako Gobernuaren Ordezko Batzordearen bilera aurretik ala ondoren, agendak koordinatzea errazagoa izan dadin.
Albiste gehiago politika
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.