Juan Carlos I.a ikertzen ari zen Auzitegi Goreneko fiskala hil da
Juan Ignacio Campos Espainiako Auzitegi Goreneko teniente-fiskala hil da 71 urterekin Madrilen, EFE agentziak zabaldu duenez. Juan Carlos Borboikoari buruz Fiskaltzan abiatutako ikerketak berak zuzentzen zituen.
Campos bere etxean zendu da arratsalde honetan, goizean Estatuko Fiskaltza Nagusiaren egoitzan lanean egon eta gero.
1978tik zen fiskala eta 2005ean iritsi zen Auzitegi Goreneko salara. Joan den urteko abenduan izendatu zuten teniente-fiskal, fiskaltzako karrerako posturik gorena.
Horrez gain, Espainiako errege emerituari lotutako kasuei buruzko ikerketak zuzentzen zituen, Alejandro Luzon Ustelkeria gaietarako fiskalburuarekin batera.
Fiskal aurrerakoien elkarteko kidea zen, Dolores Delgado egungo fiskalburua bezala.
Ohar bidez, Fiskaltzak adierazi du Camposen heriotza "galera handia" dela eta haren "profesionaltasuna, diskrezioa, leialtasuna eta zintzotasuna" nabarmendu ditu.
Zure interesekoa izan daiteke
Jaurlaritzak adierazi du adingabeen harrera zentroen sistema "tentsionatuta" dagoela; Garmendia Ceutako haurrak hartzearen alde dago
Zapaterok epaileari jakinarazi dio bere bulegoan aurkitutako bitxiak Saudi Arabiako erregeak oparitu zizkiola 2007an
PPk ez du baztertzen EAJ eta PSErekin zerga erreforma adostea
Sanchezek erantzunak eta neurriak eskatu dizkio Marokori, Ceutan muga-kontrolak huts egin zuelako
"Gogoak batzeko" deia egin du Sarek, presoen aldeko urtarrileko manifestazioa "azkena" izan dadin
Arabak trenbide sektorea berritzeko zentro teknologikoa izango du Laudion
Kataluniara itzultzeko aukera zabaldu dio Puigdemonti Auzitegi Konstituzionalak, bidegabeko erabilera delituari amnistia eman dio eta
Kongresuak behin betiko kendu dio prentsa-akreditazioa Vito Quilesi
Akordio zabalak aipatu bai, baina gero ezezkoa bozkatzea aurpegiratu dio Estebanek Otegiri
