Antton Troitiño preso ohia hil da
Antton Troitiño Arranz preso eta ETAko kide ohi donostiarra gaur zendu da gaixotasun larri baten ondorioz, Etxerat elkarteak ohar batean jakitera eman duenez.
Etxerat elkarteak "besarkada handi bat eta gure maitasun eta elkartasun guztia" helarazi die haren senide eta lagunei.
Hamar hilabete igaro dira Trotiño baldintzapeko askatasunean atera zenetik, bere gaixotasunari dagokion tratamendu egokiena jaso ahal izateko; zehazki, 2021eko otsailaren 5ean utzi zuen atzean Estremerako espetxea, Madrilen.
Troitiño 28 urtez preso izan da. 24 urteko zigorra bete ondoren, Huelvako espetxea utzi zuen 2011. urtean. Etxeratek salatu duenez, "ondoren, kanpaina politiko-mediatiko baten ondorioz", berriro atxilotu zuten, eta 2017an sei urteko espetxe-zigor berria betetzen hasi zen.
Egunotan bere senideekin batera agerraldi bat egingo dutela iragarri du Etxeratek.
LABek "espetxe politika ankerrarekin" amaitzea eskatu du
LAB sindikatuak "espetxe politika ankerrarekin bukatzea" eskatu du. Ohar batean, sindikatu abertzaleak preso ohiaren familiari eta lagunei "elkartasuna eta babesa" adierazi die. "Nahiz eta gaixotasun larria izan, espetxeraturik mantendu zuten azkenera arte, eta askatzeko oztopo ugari gainditu behar izan zituen", deitoratu du LABek.
Sindikatuaren hitzetan, "kartzela politika gizagabeak zuzenean eragin du heriotza". "Salbuespen politikarekin amaitu behar da, eta euskal presoak etxera bidean jarri, espetxe politikak zuzenean eragiten dielako presoen osasunari eta bizitzari, salbuespen politikak hiltzen du", salatu du.
"Estatuaren indarkeria praktikan jarri dutenei inpunitatea eman zaien bitartean, euskal preso politiko ugari hil arte espetxean izatera zigortu dituzte", kritikatu du.
Zure interesekoa izan daiteke
"Ezin da gehiago luzatu" lelopean, II. Etxera Kantuz Topaketa egin du Sarek Durangon
Sarek II. Etxera Kantuz Topaketa egin du Durangon. “Ezin da gehiago luzatu” dinamikaren baitan egindako ekimen horrekin, ETAko presoei salbuespenik gabeko espetxe politika arrunta aplika diezaieten eskatu dute. Aldarrikapen horri bidea emateko, urtarrilaren 10ean manifestazioa egingo dute Bilbon.
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.
Guardiako alkatearen ustezko delituak ikertzeko eskatu dio EH Bilduk Fiskaltzari
Koalizio abertzaleko zinegotziek azaldu dutenez, legegintzaldi honetan alkatearen eta haren gobernu taldearen zenbait jardunbide "legezkotasunetik kanpo daude eta delituzkoak izan daitezke". "Bereziki larritzat" jo dituen bi jokabidetan jarri du arreta EH Bilduk.
"PPren aurkako ekintzen aurrean" jeltzaleek eta sozialistek duten jarrera kritikatu du De Andresek
Javier De Andres Euskadiko PPren presidenteak esan du erakunde bat "zuzenean PPren aurka" egiten ari dela, eta horrek izen-abizenak dituela: "EH Bildu eta Ernai". Testuinguru horretan, jeltzaleen eta sozialisten jarrera kritikatu du.
Aizpuruak (EH Bildu) ausardia eskatu du nazio aniztasunean aurrera egiteko, eta PPrekin zein Voxekin aritzea horrekin "bateraezina" dela esan du
Mertxe Aizpurua EH Bilduk Kongresuan duen bozeramaileak esan du nazio aniztasuna aitortu eta demokrazia eraberritzeko bidean aurrera egiteak "ausardia eta konbikzioa" eskatzen dituela. Halaber, ohartarazi du bide hori bateraezina dela "PPrekin eta Voxekin batera aritzearekin, ez ekintzaz, ez omisioz, ez Madrilen, ez Euskal Herrian".
Vaquero: "Sanchezi eskatzen diogu bere borondate guztia jartzeko transferentziak burutzeko"
Maribel Vaquero EAJk Diputatuen Kongresuan duen bozeramaileak Estatutua betetzeari buruz hitz egin du Espainiako Konstituzioaren urteurrenean.
Gernikako Juntetxean Espainiako bandera ostu eta pintaketa bat egin dute
"Gurea ikurriña" zioen pintaketa batekin esnatu da eraikina gaur goizean, eta atean dauden Espainiako eta Europako banderarik gabe. Ernaik, bere aldetik, "ikur espainolisten" aurkako kanpaina amaitu dela iragarri du, eta Durango utzi ditu lapurtutako objektuak.
Salazar salatu zuten emakumeak “behar bezala babestu” ez izana onartu du PSOEk
Paco Salazar Moncloako aholkulari ohiarekin lan egiten zuten alderdiko bi militantek jazarpena jasan zutela salatu zuten. Sozialisten esanetan, protokoloak aktibatu zituzten.
PSE-EEk "normaltasunez" ikusten du EAEko Justizia Auzitegiak hizkuntza eskakizunen inguruan egindako kontsulta
Pau Blasi PSE-EEko legebiltzarkideak adierazi duenez, bere alderdiak "normaltasunez" ikusten du Euskal Autonomia Erkidegoko Auzitegi Nagusiak Euskadiko sektore publikoan hizkuntza eskakizunak arautzen dituen legeari buruz Auzitegi Konstituzionalari egingo dion kontsulta. "Ez da gertatzen den lehen aldia, eta Konstituzionalak esaten duenaren zain gaude", esan du Blasik Legebiltzarreko korridoreetan kazetarien galderei erantzunez.
Ernaik Euskal Herrian zutik geratzen zen azken Osborne zezena bota du "sinbolo espainolista izateagatik"
Sabotaje hori azken egunotan egin dituzten ekintzen barruan kokatzen du, hala nola, PPren Bilboko egoitzari pinturaz egindako erasoa eta Gizarte Segurantzaren Gasteizko Diruzaintzaren egoitzatik Espainiako bandera bat kentzea. Sare sozialetako mezuan jarri dutenez, "sinbolo espainolistek ez dute tokirik Euskal Herrian".