Murgiltze linguistikoa blindatzeko eskatu dute milaka pertsonak Bartzelonan
Subiranismo zibil eta politikoak Somescola hezkuntza plataformaren deiari erantzun dio larunbat honetan, 35.000 pertsona baino gehiagok Bartzelonako Passeig de Sant Joan etorbidea bete dutelarik. Murgiltze linguistikoa eta Kataluniako eskola eredua defendatu dituzte, azken epaien aurrean.
Zenbait ikastetxe gutxienez ikasgaien % 25 gazteleraz eskaintzera derrigortzen dituzten epaien aurka deitu dute manifestazioa, "Ara i sempre, l'escola en català" (Gaur eta beti, eskola katalanez) lelopean. Bertan izan dira Pere Aragones Generalitateko presidentea, Laura Borras Parlamenteko presidentea, Quim Torra Generalitateko presidente ohia eta ERC, JxCat, CUP eta En Comu Podem taldeetako lider nagusiak; baita Somescolak biltzen dituen berrogeita hamar bat erakundeak ere, Omnium Cultural tartean.
Generalitateko presidenteak espainiar nazionalismoaren "erasoaz" ohartarazi du, izan ere, "Kataluniako ikastetxeak erabili nahi ditu" kohesio soziala ahultzeko, "lau boto lortzearren; ez Katalunian, kanpoan baizik".
Bere aldetik, Borrasek adierazi du Espainiako Estatuak ez duela "aniztasunaren eta aberastasunaren hizkuntza menperatzen", haren aburuz "inposaketarena" bakarrik menperatzen baitu.
Gainera, Jordi Sanchezek Pablo Casado PPko presidentea gonbidatu du Kataluniako eskolari buruzko "mehatxuak eta gezurrak" baztertzera. En Comu Podem taldeak bat egin du mezuarekin, eta Jessica Albiach lider parlamentarioak salatu egin ditu popularren buruaren "gezurrak eta basakeriak".
Marta Vilalta ERCko bozeramaileak adierazi du "herrialdearen adostasun nagusia" dela Kataluniako eskola. Era berean, auzitegiei leporatu die "irakasle" rola hartu nahi izana, eta eskuineko alderdiei "lau boto lortzeko gorrotoa sustatu" izana.
Bestalde, Carles Riera Parlamenteko CUP taldeko diputatuak Generalitateko gobernuari jakinarazi dio "erdizka ibiltzeak" ez duela balio Kataluniako eskolaren defentsan, eta zentzu horretan "neurri zorrotzak" hartzeko eskatu dio.
Manifestazioaren hasieran, Jordi Cuixart Omnium Culturaleko presidenteak "botere judizialaren erdian sartzeari" aurre egiteko gonbita bota du. Haren hitzetan, "kohesio sozialaren berme den eredu arrakastatsua" da Kataluniakoa, eta "adostasuna" eragiten du.
Amaierako ekitaldian Somescolaren adierazpena irakurri dute. "Kataluniako hezkuntza eredua defendatzeko" mobilizatzeko deia egiten da bertan, eta Hizkuntzaren Itun Nazionalaren bidez "herrialdearen adostasuna" blindatzekoa. Gainera, adierazpenak eredu hori "sendotzeko" eskatzen du, Kataluniako Justizia Auzitegi Nagusiaren epaiak suposatzen duen "sartze onartezinaren aurrean". Bukatzeko, bost artista ezagun oholtzara igo dira euren kantak abestera.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.