Aragonesek ohartarazi du "alternatibak" bilatuko dituela elkarrizketa mahaiak huts eginez gero
Pere Aragones Kataluniako Generalitateko presidentak ohartarazi du "alternatibak" bilatuko dituela Estatuarekin duen elkarrizketa mahaiak huts eginez gero, eta 2022an "emaitza hautemangarririk" eskaintzen ez badu.
President gisa eman duen urte amaierako lehenengo hitzaldian, Aragonesek bi berrikuntza sartu ditu: ez du mezua Generalitatearen Jauregitik igorri, eta abenduaren 30ean egin beharrean, abenduaren 26ra aurreratu du, Sant Esteve egunera, Katalunian jai delako.
Rosello Porcel eskola aukeratu du mezua grabatzeko, Santa Coloma de Grameneten (Bartzelona). Hain zuzen ere, bertan hasi ziren, 1983an, Kataluniako hizkuntza murgiltze eredua aplikatzen, eta sinbolismo hori bilatu nahi izan du presidentak gaia polemikaren erdian dagoen honetan.
Proces-a izan du hizpide hitzaldian: irailean Estatuaren eta Generalitatearen arteko elkarrizketa mahaia berriro martxan jarri ostean, 2022a "gatazka desblokeatzen" hasteko urtea izan beharko litzateke, Aragonesen esanetan.
"Negoziazioak Estatuarekin aurrera egin behar duen urtea da, emaitza hautemangarriak ematen hasi behar da. Estatuarekin dugun gatazkaren irtenbidea autodeterminazio eskubidean eta amnistian dagoela uste duten herritarren gehiengo zabalari erantzun bat ematen hasi beharra dago", azaldu du Pedro Sanchezen Espainiako Gobernuari begira.
Kataluniako Gobernuaren buruak esan du independentismoak "gehiengo irmoa, askotarikoa, eta denboran luze doana" duela, eta ez duela gatazkaren "inolako blokeorik onartzen".
"Horregatik, alternatibak eraikitzen hasi behar dugu, errealistak izanda, adostasun zabalena bilatzen eta orain arteko bideaz ikasten, negoziaketak huts egin eta emaitzarik ematen ez badu", ohartarazi du.
"Gatazka politikoari irtenbide demokratikoa emateari uko egingo ez diogun bezalaxe, ez diogu uko egingo Kataluniaren independentziari", adierazi du presidentak.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.