Iruñeko udal oposizioak gehiengoa baliatu eta atzera bota du 2022ko aurrekontuen proposamena
Iruñeko Udalbatzak atzera bota ditu gobernuan dagoen NA+ alderdiak proposaturiko 2022ko aurrekontuak. Navarra Sumako 13 zinegotzien aldeko botoa baino ez dute jaso aurrekontuek, kontrakoak, berriz, 14, EH Bilduko PSNko eta Geroa Baiko zinegotzienak. Hala, Iruñeko Udalak iazko aurrekontuak luzatu beharko ditu.
Aurrekontuen proposamena 253 milioi eurokoa zen, iazkoak baino % 7,3 gehiago. Iaz, aurten ez bezala, PSNren babesa izan zuen NA+k eta 235,9 milioiko aurrekontuak onartu zituzten orduan. Bada, aurrekontu horrekin jarraitu beharko du beste urtebetez.
Oposizioaren gehiengoa zalantzan egon da azken egunotan, Joxe Abaurrea zinegotziak dimisioa eman ondoren; akordio judizial bat lortu zuen Abaurreak 2019ko txupinazoan izandako istiluengatik irekitako auziari amaiera emateko.
Zinegotzi bat gutxiagorekin, oposizioak 13 zinegotzi batuko zituzkeen gaur, Na+ alderdiak bezalaxe. Enrique Maya alkateak kalitatezko botoa erabiliko zuela iragarri zuen aurrekontuak onartzeko, baina azkenean ez da horrelakorik gertatu, gaurko osoko bilkuraren hasieran Garbiñe Bueno EH Bilduren zinegotzi berriak kargua hartu baitu, eskubide osoz jada, eta horrek azken bozketa normalizatu du eta oposizioari eman dio gehiengoa.
Alkateak deitoratu duenez, "une kezkagarri bati aurre egoteko ilusioz betetako" aurrekontuak aurkeztu dituzte eta gainerako taldeek "ezereza" eskaini dute, ez dutelako "zuzenketa bakar bat ere aurkeztu".
Taldeen txandan, Joseba Asironek (EH Bildu) errefusatu egin du proposamenaren "bodrio errepikakorra, irreala eta asmo txarrekoa", eta, esan duenez, Mayaren nahi bakarra da "hiri honen interesak Nafarroako Gobernuarekin aurrez aurre jartzeko aitzakia huts bilakatzea". Gaineratu du, behin aurrekontuak baztertuta, "hiri honi gerta dakiokeen gauzarik onena" dela "udal honetako gehiengo aurrerakoiak aurrekontuen gidaritza hartu eta alkatetza negargarri honen noraez kaotikoa behingoz bideratzea".
PSNren aldetik (iaz Na+ alderdiarekin adostu zituen aurrekontuak), Maite Esporrinek aurrekontu "kontinuisten" aurkako botoa eman izana argudiatu du. "Ezer berririk ez dakartelako, eta irrealak, gezurrezko diru-sarreretan oinarritzen direlako" eta hiria zorpetzea dakartelako. Era berean, Na+ alderdiak iazko ituna "urratu" zuela esan du, sozialistentzat "oso garrantzitsuak" diren proiektuetan, Sarasate pasealekua eta Erorien Pasealekua kasu.
Era berean, Javier Leozek (Geroa Bai) Na+ alderdiaren aurrekontuekin "Iruñeko herritarrei egindako engainu handia" arbuiatu du. "Guztiok dakigu aurrekontu horiek gauzaezinak direla, egongo ez diren ustezko diru-sarrera batzuetan oinarritzen direlako, eta, beraz, defizita izango dute, eta zati bat ezingo da gauzatu". Gaineratu duenez, proposamena egin duenak badaki hori dena, eta aurrekontuak "Nafarroako Gobernuaren aurka jotzeko tresna gisa" erabiltzen ari da, ez besterik, "ez da haiek negoziatzen ere saiatu".
Zure interesekoa izan daiteke
Otxandiano, Guggenheim Urdaibai proiektua atzera bota izanaren harira: "Errealitatea gainetik pasa zaio EAJri"
EH Bilduk Eusko Legebiltzarrean duen bozeramaileak dei egin du etorkizunari begira lezioak ateratzeko eta modu "bertikalistan" gobernatzeari uzteko. Sumar mugimenduak, berriz, "gehiengoaren sentimendua nagusitu" dela uste esan du eta gizarte zibila zoriondu du.
Transferentzien Batzorde Mistoa abenduaren 29an bilduko da bost gai eskualdatzeko
Honako hauek dira gaiak: itsas salbamendua, Barakaldoko makineria egiaztatzeko zentroa, eskola-asegurua, Gizarte Segurantzaren kotizazio gabeko prestazioak eta langabezia-prestazioak. Beste transferentziak, Euskadiko Gobernuak urrian Estatukoari helarazi zizkion hamar transferentziak osatu arte, negoziatzen jarraituko da urtea amaitu arte, epe hori jarri baitzen Estatutua gauzatzeko.
"Intolerantzia-agerraldiak izan dira Euskadin: pintadak, jazarpena... Ez dira noizbehinkakoak, estrategia bati lotuta daude"
Euskadin indarkeria berriz pizteko aukeraren inguruan mintzatu da Iñigo Urkullu lehendakaria eta eAtlantic Fundazioaren presidentea, Radio Euskadiko "Boulevard" irratsaioan egindako elkarrizketan.
Barne Ministerioak Lleidako poliziaburua kargutik kendu du, Donostian sexu-jazarpenagatik ezarritako zigorraren berri izan ostean
Komisarioa inspektoreburua zen garai hartan Donostian, Esku Hartzeko Poliziaren Unitate bat (UIP) zuzentzen ari zen, eta, Gipuzkoako Auzitegiak frogatutzat jo eta Auzitegi Gorenak berretsi zuenaren arabera, "lanean hasi zen unetik" biktimari, bere agintepeko agente bati, "harekin sexu-harremanak izateko" eskatzen hasi zitzaion.
"Immobilismoa ez da aukera bat", ohartarazi dio Sumarrek Sanchezi, eta aldaketak eskatu dizkio berriro
Ernest Urtasunek adierazi duenez, legealdiko une "oso larria" da, PSOEri eragiten dioten ustezko ustelkeria kasuak eta buruzagi sozialisten aurkako sexu-jazarpen salaketak direla eta.
Sanchez Junquerasekin (ERC) bilduko da urte hasieran, legegintzaldian aurrera nola egin aztertzeko
Juntsi dagokionez, Pedro Sanchezek aitortu du Kataluniako alderdiarekin "harremana hautsita" dagoela, baina akordioak betetzeko "erabateko borondatea" agertu du.
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.