Berdintasun Ministerioa abortu legea aldatzeko lanean ari da, koaliziokideen arteko erabateko akordiorik gabe
Espainiako Berdintasun Ministerioa azken ukituak ematen ari zaio abortuaren legea berritzeko zirriborroari. Unidas Podemosek zuzentzen du Berdintasun Ministerioa, baina koaliziokide duen PSOErekin negoziatu beharko du testua aurrera ateratzeko. Irene Montero buru duen Ministerioa lantzen ari den zirriborroaren arabera, 16 eta 17 urteko emakumeek ez dute gurasoen baimenik beharko abortatzeko.
Irene Montero Berdintasun ministroak sarri askotan esana zuen 2021. urtea amaitzerako prest izan nahi zuela zirriborroa, baina atzeratu egin da. Lege erreformak hainbat aldaketa jaso nahi ditu, tartean, emakumearen aurkako indarkeria gisa aitortu nahi ditu indarkeria obstetrikoa eta haurdunaldi subrogatua.
Berdintasun Ministerioak hilabeteak daramatza inplikatutako kolektiboekin negoziatzen, eta, horrez gain, irailean kontsulta publiko bat ireki zuen. Zirriborro horretan jasotzen dira, besteak beste, emakumeek abortatzeko dituzten "oztopoak" amaitzea eta erabaki hori hartzen dutenek oraindik jasaten duen "estigma".
Kontsulta publiko horretan Berdintasun Ministerioak onartzen zuen 2010ean onartutako egungo legeak aurrerapen "nabarmenak" ekarri zituela, baina Osasun Ministerioaren datu batzuk ekarriz ohartarazten zuen 2019an gauzatutako abortuen % 87,1 ospitaleetatik kanpoko inguruneetan egin zirela, eta horietatik % 79 zentro pribatuetan. Gainera, zortzi probintziatan ez zen aborturik egin. Berdintasun Ministerioaren arabera, datu horiek agerian uzten dute abortua gauzatzeko dauden zailtasunak. Horregatik, Irene Montero ministroak behin baino gehiagotan defendatu du araua aldatu beharra, haurdunaldia eten nahi duten emakumeek zentro pribatuetara jo behar ez izateko ospitale publikoetako medikuek kontzientzia eragozpenari heldu diotelako.
Irailean Carolina Darias Osasun ministroak adierazi zuenez, Osasun Ministerioak ez du "inolako asmorik" medikuen kontzientzia eragozpenari zegokion atala aldatzeko, eta bi eskubideak partekatzearen alde hitz egin zuen.
Indarkeria obstetrikoari dagokionez, erditzearen inguruko protokoloak bateratzeko eta eguneratzeko beharra azpimarratu zuen Berdintasun Ministerioak, Munduko Osasun Erakundeak emandako gomendioekin bat eginez.
Unidas Podemos buru duen Berdintasun Ministerioak bere gobernukidearekin negoziatu beharko du azken testua aurrera ateratzeko. Unidas Podemos eta PSOE bat datoz puntu nagusian (16 eta 17 urte bitarteko adingabeek ez dute gurasoen baimenik beharko haurdunaldia eteteko). Laura Berja PSOEk Kongresuan duen Berdintasun bozeramaileak, baina, Irene Monterori agerraldi batean esan zionaren arabera, "gainerako gaiek ez dute lege-erreformarik behar".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.