"Urraketak azaleratzeak ez du esan nahi bat egiten dugunik segurtasun indarren jokabideekin"
Estatuko segurtasun indarretako kideek eta haien senitartekoek jasandako injustiziari buruzko txostena hizpide izan du gaur goizean Jose Antonio Rodriguez Ranz, Eusko Jaurlaritzako Giza Eskubide, Memoria eta Lankidetzarako sailburuordeak. Euskadi Irratiko "Faktoria" saioan egin dioten elkarrizketan azpimarratu duenez, fokoa jarri nahi izan da giza eskubideen kontrako urraketak eta horiek sortutako sufrimendua azaleratzean, baina horrek ez du esan nahi Eusko Jaurlaritzak bat egiten duenik kolektibo horien jokabideekin.
Eusko Jaurlaritzak duela gutxi aurkeztu du Estatuko segurtasun indarretako kideek eta haien senitartekoek jasandako injustiziari buruz Pedro Arrupe Institutuak egindako txostena. Alde kuantitatiboan dio ETAk 357 pertsona hil zituela, guardia zibilak gehienak, baina baita poliziak eta horien senitartekoak (17 pertsona, horietatik 13 adin txikikoak) ere. Alde kuantitatiboan, biktimen bakartasuna eta abandonua azpimarratzen ditu. Aipaturiko dokumentuak ez ditu bereizten, frankismoa, trantsizioa eta trantsizio ondorengo epea.
Rodriguez Ranzek Kolonbiako gatazkaz ere hitz egin du. Izan ere, berriki itzuli da Eusko Legebiltzarreko talde politiko guztietako ordezkariekin batera Hego Ameriketako herrialdera egin duen bidaiatik. Kolonbiako egoera oso zaila dela eta herrialdearen baitan bi Kolonbia daudela azaldu du: hiriburua eta beste lurralde guztia. Bogota ez den gainerako lurraldean ez dagoela estaturik eta indarkeriak eta kokainak agintzen dutela esan du. Horren ondorioz, bertako herri indigenak, herri afro-amerikarrak eta nekazal herriak arrisku bizian daudela ohartarazi du. Besteak beste, mehatxuak edota heriotzak aipatu ditu.
Bestalde, Kolonbiako bake akordioa blokeo egoeran dagoela nabarmendu du eta egungo Kolonbiako Gobernua egin du horren erantzule. Aurrera begira, hurrengo hauteskundeetan egun indarrean dagoen eskuineko alderdiak irabazten badu egoera ez dela desblokeatuko uste du. Dena dela, kolonbiarrek aipatu dioten esaldi bat ekarri du gogora: "soluzioa ez da asmatu behar, soluzioa bake akordioetan dago".
Zure interesekoa izan daiteke
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".