Eusko Alkartasunak lau urterako alderditik kanporatu ditu Maiorga Ramirez eta sektore kritikoko kideak
Eusko Alkartasunaren Zuzendaritza Nazionalak lau urterako alderditik kanporatu ditu Maiorga Ramirez, Iratxe Lopez de Aberasturi, Mikel Goenaga, Miren Aranoa eta Esther Korres alderdikideak.
Bi afiliatuk egindako salaketa baten ondotik, 2021eko irailean, espedientea ireki zieten sektore kritikoko bost kideei. Ikerketa amaituta, eta alderdiaren barne-araudia kontuan hartuta, arau-hauste "oso larriak" egin dituztela ondorioztatu dute.
Gauzak horrela, zuzendaritzak pertsona horien afiliazioa lau urtez indargabetzea ebatzi du. Erabakia aho batez hartu dute.
Zehazki, ondoko artikuluak urratu izana egotzi diete: EAk parte hartzen duen koalizio-estrategiaren urraketa (20.2 artikulua); EAren edo bere zuzendaritzaren irudia eta sinesgarritasuna kaltetzen duten adierazpenak egitea (20.5); EAko kargu publikoen, afiliatuen edo jarraitzaileen aurkako irainak egin izana (20.10); eta alderdiaren aginduak betetzeari uko egitea.
Sektore kritikoko kideak alderditik kanporatzeko agindua otsailaren 21ean sartuko da indarrean. Beraz, hilaren 19an eta 20an EAk egingo duen Kongresu Nazionalean parte hartzeko aukera izango dutela.
EAko sektore kritikoaren hitzetan, "Eva Blancok agindutako kanporatzea Biltzarra baldintzatzeko beste maniobra bat da".
"Epaitegiek berretsitako eskubide demokratikoen urraketa salatzea kanporatzearekin zigortzea zentzugabekeria itzela da; gainera, urraketa egin dutenen eskutik hain zuzen ere", salatu dute agiri batean.
Sektore kritikoaren esanetan, "Eva Blancoren eta zuzendaritzaren bidegabekeria demokratikoak ez du etenik". Horregatik, "epaitegiek berriro horrela aitortzea", espero dute, kanporatzeak "parte hartze demokratikorako oinarrizko eskubidearen urraketa berri bat" direlako.
"Eva Blancoren sektoreak EA ezker abertzaleak menderatutako EH Bildu baten barruan desegin nahi du", errepikatu dute.
Azkenik, alderdi barneko bide guztiak eta juridikoak agortuko dituztela iragarri du sektore kritikoak, "alderdikideez lotsagabe trufatzen ari direlako".
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.