Ukrainan "bide diplomatikoa" bultzatzeko eskatu du EH Bilduk
Ukrainan "bide diplomatikoa" bultzatzeko eskatu du EH Bilduk, eta gerra ez dadila gehiengoa pobretuko duen "aitzakia" bihurtu. "Politika publiko askotan biraketa kopernikarra beharrezkoa da, eta abian diren inbertsioen birebaluazioa", adierazi du.
Pernando Barrena eurodiputatu abertzaleak eta Mertxe Aizpurua Kongresuko bozeramaileak Ukrainako gerrari buruzko adierazpena aurkeztu dute larunbat honetan Gernikan. Bertan adierazi dutenez, "gertakari lazgarrien" testuinguru batean murgilduta bizi gara, eta "gizateriaren segurtasun falta eta kezka sentsazioak areagotu baino ez dira egiten ari".
Baietsi dutenez, urteak dira "euskal ezker independentistak argi adierazten duela" egungo sistema ekonomiko neoliberala gizateria osoa "amildegiaren ertzera" eramaten ari dela. Gehiengo herritar zabalen gainetik, "bakar batzuen interesen defentsan" eraikitzen den sistema ekonomikoa dela diote.
Logika neoliberal horrek, borroka inperialistek zeharkatuta, borroka taula geopolitiko batera garamatza, merkatuen, eragin-esparruen eta planetako baliabideen aberastasunaren kontrola lortzeko helburuz", gaineratu dute.
Euren aburuz, Ez da "itxaropen ezan" hondoratzeko unea; aitzitik, "egungo zentzugabekeria geldiaraziko duten dinamikak abiarazi behar ditugu, giza eskalako eredu ekonomiko eta politikora hurbilduko gaituzten logikak ezartzeko".
Inbasioa berehala gelditzeko eskatu ostean, alderdi abertzaleak ohartarazi du Ukrainar herriak ez duela bere herrialdea utzi behar, "bai ordea errusiar indarrek Ukrainako lurraldea".
Alderdiarentzat, armak bidaltzea ez da neurri aproposa, "ondorio tragikoagoak areagotzeaz gain, eskala handiko gatazka baten benetako arriskua ere sustatu baitezake". Hala, gogorarazi dute "Euskal Herriak duela 36 urte NATOn sartzeari uko egin" ziola.
Gainera, ohartarazi dute gainjarritako krisi ugarik markatutako testuinguru ekonomikoan sartzen ari garela, "baliabide-eskasiaren aroan". "Gerrako ekonomiaz hitz egiten digute, sakrifizio saihestezinak argudiatuz, konpainia elektriko handiek onura izugarriak dituzten bitartean, gerraren ondorioez baliatuz eta biztanleriaren pobretze masiboa eraginez. Gerrako ekonomiaren aurrean bakearen ekonomia aldarrikatzen dugu", erantsi dute.
Hori dela eta, adierazi dute egoera horrek "lehentasunak ezartzera eta baliabideen esleipena birpentsatzera behartu" behar dituela administrazio publikoak.
Zure interesekoa izan daiteke
Fiskaltzak ‘Txeroki’ren erdi-askatasuna babestu du, baina Frantzian eragindako biktimei barkamena eskatzeko exijitu du
Uste du “bidezkoa” dela erregimen berria ETAko buru ohiari aplikatzea, espetxean izan duen “bilakaera” kontuan hartuta.
Martxoak 3 elkarteak Espainiako Gobernuari eskatu dio 1976ko martxoaren 3ko krimenetan Estatuaren erantzukizun nagusi eta zuzena aitortzeko
Elkarteak “adierazpen ofizial bat” eskatu du, “bertsio ofizial frankista gezurtatzeko eta Espainiako Erresuma poliziaren jarduera kriminalaren erantzule dela aitortzeko”.
Martxoak 3 elkarteak ostegun honetan "Estatua erantzule" ekimena babesteko eskatu dio Eusko Legebiltzarrari
Martxoak 3 biktimen elkarteak Eusko Legebiltzarrari eskatu dio ostegun honetan babes dezala "Estatua erantzule" ekimena, Espainiako Gobernuari eska diezaion "aitor dezala Estatuak erantzukizun nagusi eta zuzena duela 1976ko martxoaren 3an Gasteizen eta 1978ko sanferminetan egindako krimenetan".
Mazon ikertzea eskatu dio GOIDIaren auziko epaileak Valentziako Justizia Auzitegi Nagusiari, "arduragabekeriagatik"
Instruktorearen arabera, pasibotasun hori "elementu erabakigarria" da 2024ko urriaren 29an Valentziako probintzian 230 hildako utzi zituzten gertakarien emaitzan.
Espainiako Gobernuak O-23ari buruz duen dokumentazio "guztia" desklasifikatuko du, 153 dokumentu-unitate
Elma Saiz Espainiako Gobernuaren bozeramaileak azaldu duenez, asteazken eguerditik aurrera, interesa duen edonork kontsultatu ahal izango du 81eko estatu-kolpearen saiakerari buruz orain arte aurkitutako "dokumentazio guztia", hamarkada luzez sekretupean izan direnak. Era berean, espero du kongresuan aurrera ateratzea Informazio Klasifikatuaren Legearen proiektua, "horrelako erabakiak arau bihur daitezen, eta salbuespena izateari utz diezaioten".
Non eta noiz kontsultatu ahalko ditut O23ko dokumentu desklasifikatuak?
Asteazkenean egingo dituzte publiko agiriak, eguerditik aurrera.
Estatutua berritzeko akordioak Madrilen "beto politikorik" ez izateko ekimena aurkeztu du EAJk
Autonomia estatutuen aurkako konstituzio-kontrakotasuneko aurre errekurtsoak indargabetzea eskatu du EAJk. Gaur egun, Konstituzioaren aurkako aldez aurreko errekurtsoa aurkezteko nahikoa da talde politiko batek 50 ordezkari izatea.
Otsailaren 23aren itzalak: Erregearen rola, elefante zuria, militarrak eta beste zalantza batzuk
Espainiako Gobernuak astearte honetan onartuko du 1981eko estatu-kolpe saiakeraren gaineko paperen desklasifikazioa. Mikel Aizpuru katedradunak erabakia aztertu eta argitzeko dagoenaz hitz egin du.
EAJk eta EHBilduk "benetako memoria" egiteko eskatu diote Sanchezi, eta 1981eko otsaila baino zaharragoak diren testu sekretuak daudela esan dute
Kongresuko ezkerreko oposizioaren blokearen ustez, ez da nahikoa otsailaren 23ko estatu kolpe saiakerari buruzko dokumentuak desklasifikatzea; PPk eta Voxek, berriz, ke-lainoa baino ez dela uste dute.
Martxoaren 3ko eliza memoria demokratikorako gune izendatu dute
Memoria Demokratikorako Ministerioak sinatutako adierazpena astelehen honetan argitaratu da Espainiako Aldizkari Ofizialean.