Nafarroako Parlamentuak atzera bota du Bizikidetza Plana Na+ eta EH Bilduren aurkako botoekin
Foru Parlamentuko Batzordeak atzera bota du Nafarroako Bizikidetzaren Plan Estrategikoa (2021-2024), Navarra Sumaren eta EH Bilduren kontrako botoekin. PSNk, Geroa Baik, Podemosek eta Ezkerrak, ostera, aldeko botoa eman dute. Foru Gobernuak igorritako testuari 13 proposamen erantsi dizkiote. Guztira, 42 proposamen eztabaidatu dituzte talde politikoek.
Nafarroako Bizikidetzaren I. Plan Estrategikoak sei ardatz zituen: giza eskubideak aplikatzea, terrorismo eta indarkeria politikoaren biktimen eskubideak babestea, memoria kritiko eta barnerakoi bat eraikitzea, tolerantziarako heztea, elkarbizitza aniztasunean oinarritzea eta bizikidetzaren alde erakunde erreferenteak eratzea.
Ebazpenen eztabaidan eta bozketan zehar, Navarra Sumaren hiru proposamen onartu dituzte, "festen despolitizazioa lortzeko: ezker muturreko talde terroristen jarduera eta indarkeria politikoa aintzat hartzea, Estatuko segurtasun indarren eta haien familien aldeko ekitaldi bat bultzatzea, eta haien aurkako jazarpena errefusatzea".
Era berean, EH Bilduren kontrako botoarekin eta gainerako talde politikoen babesarekin, PSNren proposamen bat onartu dute, "indar politiko guztiek edozein terrorismo mota eta ETArena bereziki gaitzesteko beharra" azpimarratzeko.
Bestalde, EH Bilduk sinatutako sei proposamen aurrera atera dira. Bizikidetza planari izaera "transbertsalagoa" ematearen alde egin du koalizioak. Horrela, migratzaileen harrera, arrazakeriaren eta xenofobiaren aurkako planak, inklusio soziala, LGTBI berdintasuna, parte-hartzea, gazteria eta euskara nabarmendu ditu EH Bilduk, "elkarbizitzan modu transbertsalean eragina dutelako".
Aurrera atera diren azken hiru proposamenak Podemosek eta Ezkerrak egin dituzte. Egitasmoaren helburu estrategiko eta orokorren artean kokatu dituzte "erabateko gizarteratze eta inklusioa berdintasunean, bizikidetza arauen barruan eta balioa demokratikoak errespetatuz".
Hirugarren ekarpena hezkuntza arloan egin dute, "ikastetxe anitzak, inklusiboak eta mistoak" bultzatzeko.
Zure interesekoa izan daiteke
Martxoak 3 elkarteak ostegun honetan "Estatua erantzule" ekimena babesteko eskatu dio Eusko Legebiltzarrari
Martxoak 3 biktimen elkarteak Eusko Legebiltzarrari eskatu dio ostegun honetan babes dezala "Estatua erantzule" ekimena, Espainiako Gobernuari eska diezaion "aitor dezala Estatuak erantzukizun nagusi eta zuzena duela 1976ko martxoaren 3an Gasteizen eta 1978ko sanferminetan egindako krimenetan".
Mazon ikertzea eskatu dio GOIDIaren auziko epaileak Valentziako Justizia Auzitegi Nagusiari, "arduragabekeriagatik"
Instruktorearen arabera, pasibotasun hori "elementu erabakigarria" da 2024ko urriaren 29an Valentziako probintzian 230 hildako utzi zituzten gertakarien emaitzan.
Espainiako Gobernuak O-23ari buruz duen dokumentazio "guztia" desklasifikatuko du, 153 dokumentu-unitate
Elma Saiz Espainiako Gobernuaren bozeramaileak azaldu duenez, asteazken eguerditik aurrera, interesa duen edonork kontsultatu ahal izango du 81eko estatu-kolpearen saiakerari buruz orain arte aurkitutako "dokumentazio guztia", hamarkada luzez sekretupean izan direnak. Era berean, espero du kongresuan aurrera ateratzea Informazio Klasifikatuaren Legearen proiektua, "horrelako erabakiak arau bihur daitezen, eta salbuespena izateari utz diezaioten".
Non eta noiz kontsultatu ahalko ditut O23ko dokumentu desklasifikatuak?
Asteazkenean egingo dituzte publiko agiriak, eguerditik aurrera.
Estatutua berritzeko akordioak Madrilen "beto politikorik" ez izateko ekimena aurkeztu du EAJk
Autonomia estatutuen aurkako konstituzio-kontrakotasuneko aurre errekurtsoak indargabetzea eskatu du EAJk. Gaur egun, Konstituzioaren aurkako aldez aurreko errekurtsoa aurkezteko nahikoa da talde politiko batek 50 ordezkari izatea.
Otsailaren 23aren itzalak: Erregearen rola, elefante zuria, militarrak eta beste zalantza batzuk
Espainiako Gobernuak astearte honetan onartuko du 1981eko estatu-kolpe saiakeraren gaineko paperen desklasifikazioa. Mikel Aizpuru katedradunak erabakia aztertu eta argitzeko dagoenaz hitz egin du.
EAJk eta EHBilduk "benetako memoria" egiteko eskatu diote Sanchezi, eta 1981eko otsaila baino zaharragoak diren testu sekretuak daudela esan dute
Kongresuko ezkerreko oposizioaren blokearen ustez, ez da nahikoa otsailaren 23ko estatu kolpe saiakerari buruzko dokumentuak desklasifikatzea; PPk eta Voxek, berriz, ke-lainoa baino ez dela uste dute.
Martxoaren 3ko eliza memoria demokratikorako gune izendatu dute
Memoria Demokratikorako Ministerioak sinatutako adierazpena astelehen honetan argitaratu da Espainiako Aldizkari Ofizialean.
Espainiako Gobernuak astearte honetan desklasifikatuko ditu otsailaren 23ko estatu kolpearen inguruko dokumentuak
45 urte bete dira Antonio Tejerok estatu kolpe saiakera egin zuenetik, eta Sanchez presidenteak herritarrekin duen zor historikoari erantzuna emateko erabakia dela iragarri du, sare sozialetan.
