Espainiak Sahararekiko zuen jarrera aldatu egin duela berretsi dio Sanchezek Mohamed VI.ari
Espainiak historikoki Mendebaldeko Saharari buruz izan duen jarrera aldatu egin duela adierazi dio gaur Pedro Sanchezek Mohamed VI.ari eta, ildo horretan, berretsi egin dio Espainiak babestu egingo duela Mendebaldeko Sahara Marokoren baitako autonomia bilakatzeko plana.
Espainiako Gobernuko presidentea eta Marokoko erregea Rabaten bildu dira arratsaldean, eta erregimen marokoarrak zabaldutako agiriaren arabera, Sanchezek berretsi egin du Espainiaren jarrera aldaketa, "eta Sahara autonomia bilakatzeko plana gatazka konpontzeko aukerarik serioena, eraginkorrena eta sinesgarriena dela adierazi du".
Halaber, bi herrialdeen arteko harremanetan aro berri bat abiatzea adostu dute bi agintariek, "elkarrenganako errespetuan eta konfiantzan oinarrituta" eta "modu iraunkor batean eta leialtasunez elkarlanean arituz".
EFE agentziak aipatutako Espainiako Gobernuaren iturriek, berriz, batzarra adeitsua izan dela eta bi herrialdeen arteko harremanetan sakontzeko borondatea erakutsi dutela azpimarratu dute.
Bestalde, bilera amaitu ostean egindako agerraldian, Sanchezek iragarri du Ceuta eta Melillako mugak pixkanaka irekitzea adostu dutela, pertsonen zirkulazioa eta merkantzien eta ondasunen garraioa normaltasunez ahalbidetuz.
Marokoko protokolo zerbitzuek hartu dute Sanchez Errege Jauregian, eta monarka zain zuen aretora eraman dute. Biek elkarri bostekoa eman diote eta elkarrizketa laburra izan dute, ondoren eseri dira bi gobernuetako kideekin batera.
Jose Manuel Albares Espainiako Atzerri ministroak eta Ricardo Diaz- Hochleitner enbaxadoreak parte hartu dute batzarrean.
Beste aldean, Fuad Ali Himma kontseilariak, Naser Burita Atzerri ministroak eta Karima Benyaich enbaxadoreak Marokoko erregea lagundu dute.
Argazkia: EFE
Bestalde, bilera baino lehen, Sanchezek adierazi du Unidas Podemosek, ERCk eta EH Bilduk Diputatuen Kongresuan aurkeztutako ekimena errespetatzen duela, baina Marokoren autonomia egitasmoa onartzeko erabakia berretsi du, gatazka konpontzeko oinarri errealistena dela iritzita.
"Kongresuak onartutakoa errespetatzen dut", adierazi Espainiako gobernuburuak bilera hasi baino lehen, baina "Espainiaren interes orokorrerako jarrerarik onena hauxe dela berretsi nahi dut".
Zure interesekoa izan daiteke
Ollo kontseilariak ukatu egin du Nafarroako Gobernuak Bernedoko, Abaigarko eta Goñiko udalekuak finantzatu izana
Ana Ollo Nafarroako Gobernuko Memoria eta Bizikidetza, Kanpo Ekintza eta Euskara kontseilariak agerraldia egin du Parlamentuko batzorde batean, Voxek eskatuta. Ollok hitzaldi laburra egin du, eta adierazi duenez, "azken bost urteetan ez departamentuak ez Euskarabideak ez diote zuzeneko finantzaketarik eman" udalekuak antolatzen dituen elkarteari, eta "ez dio inolako dirulaguntzarik ordaindu Sakanako Mankomunitateari".
Donostiako Udalak Alde Zaharreko eta erdialdeko ekitaldiak mugatuko ditu saturazioa geldiarazteko
Jon Insausti Donostiako alkateak azaldu duenez, lehentasuna "donostiarren bizi-kalkitatea bermatzea" da, baita "hiriak eskaintzeko duen guztiaz gozatu nahi dutenen eta atsedena eta eguneroko lanak ahalik eta nahasmendu txikienarekin egin behar dituztenen arteko bizikidetza egokia bermatzea" ere. Deszentralizazioa bilatuko da, baina baina zenbait ekitaldi "mugiezinak" direla zehaztu du, oso errotuta daudelako eta auzo horien nortasunaren parte direlako.
Andueza: "Frankismoaren ondorengoek eskatu behar dute barkamena Gernikako bonbardaketagatik, ez Espainiako Gobernuak"
Forum Europa-Tribuna Euskadin egindako hitzaldian PSE-EEren idazkari nagusiak adierazi duenez, Espainiako Gobernua ere altxamendu militarraren "biktima" izan zen. Francoren diktadurak eragindako bidegabekeriaren aitorpena egiteko eskatu zion Imanol Pradales lehendakariak Espainiako Gobernuari.
Teresa Peramato, itzal handiko fiskal aurrerakoia, genero indarkerian aditua
Teresa Peramato karrerako fiskala da 35 urte daramatza fiskaltzan, eta eragile juridikoen "aho bateko onarpena" du. Ibilbide luzea du, genero indarkeriaren aurkako borrokan nagusiki. Izan ere, arlo horretako espezializazio judizialaren "bultzatzaile handienetakotzat" jotzen da.
Esquadra Mossoak urteko balantzeetan atxilotuen jatorriaren berri ematen hasiko dira, urtarriletik aurrera
Ertzaintzak hartutako bideari jarraituz, Kataluniako Poliziak atxilotuen jatorriaren berri emango du urteko txostenetan, 2025ekotik hasita. Barne kontseilariaren arabera, helburua da delituak hobeto interpretatzea eta immigrazioa eta segurtasun gabezia lotzen dituzten diskurtsoak ez elikatzea.
Espainiako Gobernuak Teresa Peramato proposatu du Estatuko fiskal nagusi izateko
Auzitegi Gorenak bi urtez gaitasungabetu du Alvaro Garcia Ortiz, eta fiskal nagusi zenak karguari uko egin eta ordu batzuetara eman du pausoa Espainiako Gobernuak. Zigor Arloko Salak fiskal nagusia zigortzen duen lehen aldia izan da.
Euskadik "herritarren kezkei" erantzungo dieten aurrekontuak izango dituela azpimarratu du EAJk
Alaitz Zabala legebiltzarkideak azpimarratu Euskadiko aurrekontuak bi alderdiren akordiotik sortu direla eta gobernu programa bati erantzuten diotela.
Felipe VI.a erregeak Gernikako bonbardaketaren biktimak omentzeko ekitaldian parte hartuko du ostiral honetan
Espainiako erregearekin batera, Frank-Walter Steinmeier Alemaniako presidentea ere izango da Gernikan.
D'Anjouk amaitutzat eman ditu aurrekontuen gaineko negoziazioak, akordiorik lortu gabe
Sailburuak "benetako adostasunetara iristeko borondate falta" izan dela azpimarratu du, nahiz eta, kasu askotan, "diagnostikoak bat etorri" diren. Hala ere, "bizitza hobetuko duten politikak aurrera eramateko" hitz egiten jarraitzeko konpromisoa hartu du.
Sanchezek ukatu egin du Otegirekin bildu izana: "Hori gezurra da"
Pedro Sanchez Espainiako Gobernuko presidenteari El Español egunkariak argitaratu duen informazioaz galdetu diote, Luandan (Angola). Egunkariaren arabera, zentsura-mozioa adosteko bilera egin omen zuten Arnaldo Otegik, Santos Cerdanek eta hirurek. Presidenteak adierazi du gezurra dela.