Andaluziako hauteskundeak aurreratu eta ekainaren 19an egingo dituzte
Andaluziako hauteskundeak ekainaren 19an egingo dituzte; izan ere, Juanma Moreno bertako presidenteak astelehen honetan sinatuko du Parlamentua desegiteko eta bozak deitzeko dekretua. Bihar argitaratuko dute Andaluziako Aldizkari Ofizialean.
Morenok ezohiko Gobernu Kontseilua deitu du arratsalderako, PP-Cs koalizio Gobernuari dataren berri emateko. Honenbestez, legealdia amaitu baino bost hilabete lehenago izango dira hauteskundeak.
Aldez aurretik, Juan Marin (Ciudadanos) presidenteorde eta gobernukidearekin bilera egin du Morenok, hauteskunde deialdiaren berri emateko.
Morenok ziurtatu duenez, "gogoeta sakona egin du, hartzeko erabaki oso zaila zelako", baina Andaluziaren interesean bakarrik pentsatuz egin du egoera ekonomiko zailaren aurrean; izan ere, erkidegoko aurrekontuak luzatu behar izan zituzten.
Ekainaren 19ko datarekin parte-hartze handia bilatu nahi duela zehaztu du adierazpen instituzionalean.
Biko Gobernuaren batasuna goraipatu du Morenok agerraldian, "azkenera arte". Juan Marin alderdi laranjako buruzagi eta presidenteordearen zein kontseilarien "leialtasuna eta lana" azpimarratu ditu.
"Aldaketaren gobernuak amaierara arte batasuna mantendu du", adierazi du harro lehentxeago Twitter sare sozialean.
"Ez da ohikoa, baina interes orokorra aurretik jartzen denean guztia posible dela demostratu dugu beste behin ere", nabarmendu du Morenok.
PPko eta Ciudadanoseko kontseilariei eskerrak eman dizkie, Andaluziarengatik "indar guztiak" utzi dituztelako.
Hauteskunde deialdiaren ondorioz Parlamentua astearte honetan desegingo da. Beraz, aste honetarako deituta zegoen osoko bilkura ez da egingo. Bertan FAFFEko ikerketa batzordearen eta Ekonomia Zirkularraren Legeko ondorioak onartzea aurreikusita zegoen.
FAFFE Andaluziako Prestakuntza eta Enplegu Fundazioa zen. Erakundean irregulartasunak izan ziren, eta desagertu zen. Manuel Chaves, Jose Antonio Griñan eta Susana Diaz presidente ohi sozialistei irregulartasunen "erantzukizun politikoa" leporatzen die ikerketa batzordeak bere ondorioetan. Hala ere, Ganberak ez du azkenean ebazpena eztabaidatu eta bozkatuko.
Azken asteetako "gogoetari" amaiera eman dio Morenok, eta Andaluziako hauteskundeak aurreratzea erabaki du. Egoera ekonomiko zaila eta 2023an aurrekontuak izateko orduan garaiz ibiltzea aitzakia edo argudio bezala erabili ditu buruzagiak.
Legealdia agortu, udazkenera arte (muga azaroak 27a zen), edo hauteskundeak ekainera aurreratzea ziren aukerak. Alderdi Popularrak aurrerapena nahi zuen. Juan Bravo Ogasun kontseilariak, besteak beste, publikoki eskatu zuen.
Juan Marinen eskaerei, ostera, entzungor egin die Andaluziako presidenteak. Marin hauteskundeak aurreratzearen kontra eta legealdia agortzearen alde agertu da askotan.
Zure interesekoa izan daiteke
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
?fmt=webp-alpha&qlt=80)
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono-konpainia batek baieztatu zuen ziztatu egin ziotela linea.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.