Gernikak eraso faxista gogora ekarri du, Moncloaren lehen gaitzespenean eta Ukrainako gerran arreta jarrita
Alemaniako Kondor Legio naziak eta Italiako faxistek biztanleriaren aurka egindako bonbardaketa gogora ekarri du Gernikak (Bizkaia) 85. urteurrenean. Besteak beste, Iñigo Urkullu lehendakariak, Sergii Solovey Ukrainako Enbaxadaren idazkari nagusiak eta Jose Maria Gorroño alkateak hartu dute parte.
Espainiako Gobernuak 85 urte geroago bonbardaketa gaitzestea eta Memoria Demokratikoaren Estatu idazkariak ekitaldietan parte hartzea "pauso positiboa" dela esan du Urkulluk.
"Gobernu demokratiko batek, egungo Espainiako Gobernuak, duela 85 urteko sufrimenduaren aitortza egitea eta, aldi berean, Errepublikako Gobernu legitimoaren aurkako matxinoen erasoa gaitzestea aspalditik eskatu izan dugu", erantsi du lehendakariak.
Fernando Martin Lopez Memoria Demokratikoaren Estatu idazkaria "pozik" azaldu da ekitaldietan parte hartzearekin. "Biztanleriaren aurkako" bonbardaketa "ankerra eta mingarria" izan zela adierazi du ordezkariak. Goraipatu duenez, "Espainiako Gobernua lehen aldiz izan da" omenaldian.
Hala ere, Felix Bolaños Espainiako Gobernuko Presidentzia ministroak errefusatu egin du Exekutiboak erantzukizunik aitortzea Gernikako bonbardaketaren inguruan. Izan ere, horren esanetan, sarraskia "naziek" egin zuten, eta "kolpistek" eman zioten babesa. "Bonbardaketa ez zuen Espainiako Estatuak egin, ezta gobernu zilegi batek ere", nabarmendu du.
Fernando Martin Lopez Memoria Demokratikoaren Estatu idazkaria. Argazkia: EFE
Josu Erkoreka, Idoia Mendia eta Beatriz Artolazabal sailburuek Urkullu lagundu dute ekitaldian. Zalloko hilerriak hartu du omenaldi nagusia.
Eusko Jaurlaritzako eta Udaleko ordezkariez gain, bonbardaketan onik atera zen bikote batek parte hartu du lore eskaintzan. Era berean, Sergii Solovey Ukrainako Enbaxadako idazkari nagusia bertan izan da. Lehendakariak enbaxadorea gonbidatu zuen, baina azkenean ez da hurbildu, agenda arazoak tarteko.
Lehentxeago, 15:45ean, sirenak eta kanpaiak berriz jo dituzte herrian, biztanleriaren aurkako bonbardaketa faxistaren hasiera gogora ekartzeko. Gainera, argizariekin Gernikatik ibilbidea egin dute isilean.
Espainiako Gobernuak "espresuki" gaitzetsi du Gernikako 1937ko bonbardaketa, hura gertatu zenetik "lehenengo aldiz". "Erabateko gaitzespena" adierazi du Exekutiboak hura gertatu zenetik onartzen duen mota horretako lehendabiziko adierazpenean.
Ministroen Kontseiluaren osteko prentsaurrekoan, Felix Bolaños Presidentetza, Gorteekiko Harreman eta Memoria Demokratikorako ministroak biktimak gogoratu eta aitortu ditu eta gerraren "ekintza krudelak" gaitzetsi ditu.
Espainiako Gobernuak adierazpen instituzionala onartu izana, Sanchez presidenteak sare sozialetan mezu publikoa zabaldu izana eta Gernikara ordezkari bat bidali izana urrats garrantzitsuak dira, Eusko Jaurlaritzaren ustez.
Gobernu Kontseiluaren osteko prentsaurrekoa Bingen Zupiria bozeramaileak duela 85 urte Gernika "suntsitu" zuen bonbardaketa gogora ekarri du Eusko Jaurlaritzak, Ukrainak eta "martiri" bihurtu diren Ukrainako hiriek "basakeria bera" jasan dutenean.
Bonbardaketaren "erantzukizun frankista" aitortzea eskatu dio Jose Maria Gorroño Gernikako alkateak Espainiako Gobernuari.
Alkateak gogorarazi duenez, 1997an Roman Herzog orduko Alemaniako presidenteak erasoaren "erantzukizuna" bere gain hartu zuen herrialdearen izenean, "Alemaniako hegazkinen errua onartu eta barkamena eskatu zuen".
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.