Gernikak eraso faxista gogora ekarri du, Moncloaren lehen gaitzespenean eta Ukrainako gerran arreta jarrita
Alemaniako Kondor Legio naziak eta Italiako faxistek biztanleriaren aurka egindako bonbardaketa gogora ekarri du Gernikak (Bizkaia) 85. urteurrenean. Besteak beste, Iñigo Urkullu lehendakariak, Sergii Solovey Ukrainako Enbaxadaren idazkari nagusiak eta Jose Maria Gorroño alkateak hartu dute parte.
Espainiako Gobernuak 85 urte geroago bonbardaketa gaitzestea eta Memoria Demokratikoaren Estatu idazkariak ekitaldietan parte hartzea "pauso positiboa" dela esan du Urkulluk.
"Gobernu demokratiko batek, egungo Espainiako Gobernuak, duela 85 urteko sufrimenduaren aitortza egitea eta, aldi berean, Errepublikako Gobernu legitimoaren aurkako matxinoen erasoa gaitzestea aspalditik eskatu izan dugu", erantsi du lehendakariak.
Fernando Martin Lopez Memoria Demokratikoaren Estatu idazkaria "pozik" azaldu da ekitaldietan parte hartzearekin. "Biztanleriaren aurkako" bonbardaketa "ankerra eta mingarria" izan zela adierazi du ordezkariak. Goraipatu duenez, "Espainiako Gobernua lehen aldiz izan da" omenaldian.
Hala ere, Felix Bolaños Espainiako Gobernuko Presidentzia ministroak errefusatu egin du Exekutiboak erantzukizunik aitortzea Gernikako bonbardaketaren inguruan. Izan ere, horren esanetan, sarraskia "naziek" egin zuten, eta "kolpistek" eman zioten babesa. "Bonbardaketa ez zuen Espainiako Estatuak egin, ezta gobernu zilegi batek ere", nabarmendu du.
Fernando Martin Lopez Memoria Demokratikoaren Estatu idazkaria. Argazkia: EFE
Josu Erkoreka, Idoia Mendia eta Beatriz Artolazabal sailburuek Urkullu lagundu dute ekitaldian. Zalloko hilerriak hartu du omenaldi nagusia.
Eusko Jaurlaritzako eta Udaleko ordezkariez gain, bonbardaketan onik atera zen bikote batek parte hartu du lore eskaintzan. Era berean, Sergii Solovey Ukrainako Enbaxadako idazkari nagusia bertan izan da. Lehendakariak enbaxadorea gonbidatu zuen, baina azkenean ez da hurbildu, agenda arazoak tarteko.
Lehentxeago, 15:45ean, sirenak eta kanpaiak berriz jo dituzte herrian, biztanleriaren aurkako bonbardaketa faxistaren hasiera gogora ekartzeko. Gainera, argizariekin Gernikatik ibilbidea egin dute isilean.
Espainiako Gobernuak "espresuki" gaitzetsi du Gernikako 1937ko bonbardaketa, hura gertatu zenetik "lehenengo aldiz". "Erabateko gaitzespena" adierazi du Exekutiboak hura gertatu zenetik onartzen duen mota horretako lehendabiziko adierazpenean.
Ministroen Kontseiluaren osteko prentsaurrekoan, Felix Bolaños Presidentetza, Gorteekiko Harreman eta Memoria Demokratikorako ministroak biktimak gogoratu eta aitortu ditu eta gerraren "ekintza krudelak" gaitzetsi ditu.
Espainiako Gobernuak adierazpen instituzionala onartu izana, Sanchez presidenteak sare sozialetan mezu publikoa zabaldu izana eta Gernikara ordezkari bat bidali izana urrats garrantzitsuak dira, Eusko Jaurlaritzaren ustez.
Gobernu Kontseiluaren osteko prentsaurrekoa Bingen Zupiria bozeramaileak duela 85 urte Gernika "suntsitu" zuen bonbardaketa gogora ekarri du Eusko Jaurlaritzak, Ukrainak eta "martiri" bihurtu diren Ukrainako hiriek "basakeria bera" jasan dutenean.
Bonbardaketaren "erantzukizun frankista" aitortzea eskatu dio Jose Maria Gorroño Gernikako alkateak Espainiako Gobernuari.
Alkateak gogorarazi duenez, 1997an Roman Herzog orduko Alemaniako presidenteak erasoaren "erantzukizuna" bere gain hartu zuen herrialdearen izenean, "Alemaniako hegazkinen errua onartu eta barkamena eskatu zuen".
Zure interesekoa izan daiteke
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.