Garrido: "Laguntzen sistemak eta Lanbidek gabeziak ditu, eta neurriak hartu behar dira"
Laura Garrido Euskadiko PPren idazkari nagusi eta legebiltzarkidearen esanetan, gaur Jaurlaritzak Gobernu Bileran onartu duen Diru Sarrerak Bermatzeko Errentaren lege asmoa dela eta, "laguntzen sistemak eta Lanbidek gabeziak ditu, eta neurriak hartu behar dira".
Garridok 'Egun On Euskadi' saioan egindako elkarrizketa batean gaur, asteartea, adierazi duenez, "beharrekoa zen proiektu-lege hau; berandu dator, aurreko legealdiko konpromisoa zen, eta ez zen heldu". Alabaina, Lanbiden dauden "gabeziak" salatu ditu, "momentu honetan laguntza bat jasotzen duten pertsonek benetako aukerak izateko, eta lan merkatuan sartzeko, hori izan behar da helburua".
"Gehiegikeriak egon badaude, orain dela gutxi ezagutu genuen Bilbon beste kasu bat. Sistema justua izan behar da eta horrek esan nahi du laguntza behar dutenek egon behar dutela, eta enpleguak bilatu, baina eta gehiegikeriak egin dituztenek ezin dute egon, ikuskaritza sistema bat egon behar da", azaldu du.
Babes sistemaren inguruan, Euskadiko PPren idazkari nagusiak esan du komenigarria litzatekela Jaurlaritzak azaltzea "zer nahi duen, akordioa zabaldu nahi izatea ondo dago, baina zehaztu behar du EH Bildurekin, Podemosekin edo Alderdi Popularrarekin. Gure posizioak ezberdinak dira, eta Jaurlaritzak zehaztu behar du akordio zabaldu nahi badu norekin egin nahi duen".
Garrido Isabel Diaz Ayusok Araban hainbat enpresarirekin egindako topaketaz ere mintzatu da: "Ekitaldia bukatu zenean enpresariekin egon nintzen eta oso pozik zeuden Ayusok egindako diskurtsoarekin, berak ez zuen Kontzertu Ekonomikoaren aurka egin. Madrileko zergak tarte askotan ez dira horren handiak (hemen bezain beste). Hemen ez da ulertzen halako proposamen bat mahai-gainean jartzen denean EAJk eta Urkulluk biktimismoa egitea". Horrekin lotuta Kontzertu Ekonomikoa zergak murrizteko proposamena egin du.
Zure interesekoa izan daiteke
Pedraz epaileak Sanchezen kabineteburu eta Correoseko presidente ohia inputatu du Leire auzian
Epaileak argitu egin nahi du Serranok ikerketa judizialak oztopatzeko egindako ustezko ekintza batzuetan izandako parte-hartzea. Ildo horretatik, 2024ko apirilaren 26ko bilera bat eta Leire Diezekin izandako elkarrizketak daude, besteak beste, aztertutako jardueren artean.
Ermuko Udalak Miguel Angel Blancori egindako omenaldian ahanzturan ez erortzearen alde egin du
29 urte dira ETAk Miguel Angel Blanco bahitu eta hil zuela, euskal gizartean sekulako astindua eman zuen gertaera. Gaur bere jaioterrian, Ermuan, omenaldia eskaini diote, eta mezu bat zabaldu horrelako gertaerak ahanzturan ez geratzeko.
Jaurlaritzak uste du Feijoo Espainiako gobernuburu izatea "langileentzat arriskutsua" dela
Laneko absentismoari buruz Alberto Nuñez Feijook egindako adierazpen polemikoak hizpide izan ditu gaur Mikel Torres bigarren lehendakariorde eta Ekonomia, Lan eta Enplegu sailburuak. Horren iritzian, Feijook "ezjakintasun handia" erakutsi zuen, eta frogatuta geratu da Espainiako Gobernura iritsiz gero, "langileentzako arriskutsua" dela.
Correoseko presidente ohiak Leire Diezi kargu bat eman ziola uste du UCOk
UCOren arabera, Juan Manuel Serranok parte-hartze aktiboa izan zuen ikertutako gertakarietan, "bai SEPIren enpresa-eremuan etekinak lortzearekin lotuta, bai PSOEko kide jakin batzuen zein Espainiako Gobernuaren interesen defentsarekin lotuta".
Espainiako Gobernuak biktima gisa aitortu du Josu Zabala Erasun, duela 50 urte Guardia Zibilak tiroz hildako irundarra
"Arrazoi politiko eta ideologikoengatik jazarpena" jasan zuela, eta "aitortzarako eta erreparaziorako eskubidea" dio onartutako adierazpenak.
Fiskaltzak Begoña Gomezen absoluzioa eskatu du, deliturik egin ez zuela iritzita
Ministerio Fiskalak Gomezi pasaportea kentzearen aurkako helegitea aurkeztu du ere, eta Peinado epaileak hartutako beste erabaki batzuk "zentzurik gabekoak" direla adierazi du.
Jaurlaritzak "positibotzat" jo du Konstituzionalak euskarari buruz hartutako erabakia, eta Bilduk ohartarazi du "oldarraldia ez dela eten"
Ibone Bengoetxearen esanetan, EAEko Auzitegi Nagusiak oraindik erabaki behar du PPk eta Voxek Enplegu Publikoaren Legeari jarritako helegiteari buruz.
Sanchezek, Trumpen kritiken ostean: "AEBren eta Espainiaren arteko harremanak oso positiboak dira"
Espainiako Gobernuko presidenteak azaldu du Estatu Batuetako presidentearekin hitz egiteko aukera izan duela, azken horrek Espainia beste behin kritikatu eta gero. "Solasaldi informala" izan dela azaldu du, eta "adeitsu"jardun dutela.
"Ez litzateke lehen aldia presidente batek ihes egiten duena", erantzun dio Peinado epaileak Begoña Gomezi
Magistratuak ekainaren 30ean sinatutako auto batean defendatu du bere erabakia, bere ordezkoak gai horren inguruan beste erabaki bat hartu baino lehen. Azken horrek baimena eman dio Gomezi Londresera bidaiatzeko, baina ez Ankarara.
Espainiako Gobernuak eta Eusko Jaurlaritzak legea aldatzea adostu dute, delituak errepikatzen dituztenak zigortzeko
Helburua da delituak egin dituzten baina oraindik epai irmorik izan ez duten delitugileek "ondorioak" ordain ditzaten.