Segurtasun Nazionaleko legeak bere ibilbide parlamentarioa hasiko du PP, PSOE eta UPren babesari esker
Espainiako Gobernuak bazkide politikoen aurkako botoa gaindituko du PPren babesari esker, eta Segurtasun Nazionaleko lege proiektuaren tramitazioa bideratuko du. Hala ere, Alderdi Popularrak ez dio Exekutiboari "txeke zuririk" emango, eta artikuluz artikulu legea negoziatzeko eskatu dio.
Felix Bolaños Presidentetza ministroak proiektua defendatu du Diputatuen Kongresuan. ERCk eta JxCatek aurkeztutako osoko zuzenketen aurkako botoa emango duela iragarri du PPk, eta proiektuak ibilbide parlamentarioa hasiko du.
Kataluniako abertzaleek, baita EAJk eta EH Bilduk ere, uste dute lege proiektuak erkidegoen eskumenak eta oinarrizko eskubideak urratzen dituela.
Bolañosek hori ukatu, araudia "ezinbestekoa" dela esan, eta baliabide estrategiko egokiak eta Estatuak krisiei aurrea hartzeko tresnak izatea soilik bermatu nahi duela azaldu du, pandemiaren eta Ukrainako gerraren lezioak ikasi ondoren.
Montserrat Bassa ERCko diputatuak adierazi duenez, "Segurtasun Nazionaleko legearen kontra gaude, gure segurtasun propioagatik". "Ezkutuko 155 bat baino ez da, lotsagabe eskumenak kentzeko", ohartarazi du.
ERCren hitzetan, PPren Gobernuak 2015ean onartutako legea aldatzen du proiektuak, baina "eskuinaren marko mentala erosten du"; "boterera iristen direnean, Voxen eta PPren eskura jartzen ditu baliabide errepresibo guztiak", eta erkidegoen eskumen guztiak "zentralizatzeko" aukera ematen dio Moncloari.
Mirian Noguerasek defendatu du JxCaten osoko zuzenketa, Kataluniako eskumenak "suntsitzen" dituen legea delako, "otsoak" idatzitakoa, eskuinari erreferentzia eginez.
"PPren eta Voxen etorkizuneko Gobernuari tresnak eta bidea prestatzen ari direla ematen du", gaineratu du Noguerasek. Pegasus auziko espioitza aipatu du JxCateko ordezkariak, independentistak zelatatzen ari dira, "pentsatzen dugunagatik, ez egiten dugunagatik".
Proiektu "zentralizatzailea" dela uste dute CUPek eta EH Bilduk. Mikel Legarda EAJko diputatuaren ahotan, testua ez zaio lurralde estatuari "ongi egokitzen", ezta Kataluniako eta Euskadiko polizia integralei ere.
Bestalde, Unidas Podemosek proiektuaren tramitazioa erraztuko du, Ismael Cortes Gomezek iragarri duenez. Hala ere, segurtasun nazionala Estatuaren eta erkidegoen arteko lankidetza mekanismoen bidez definitu behar dela zehaztu du. Horregatik, diseinatzen den eskemak errealitate bakoitzaren eskumenak "kontuan izatea" eskatu du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.