EAJk irabaziko luke Gasteizen, EH Bilduren zinegotzi kopuruarekin parekatuta
Eusko Alderdi Jeltzaleak hauteskundeak irabaziko lituzke Gasteizen, 2019an lortutako babesa handituta, botoen % 24,5 jasoko lituzkete eta (% 23,8 2019an), baina zinegotzi kopuru bera -7- izango luke, alegia, EH Bilduk lortuko lituzkeenak.
Hala dago jasota EITB Taldeak egindako hogeita zazpigarren makroinkestan. EITB FOCUS azken inkesta udal eta foru hauteskundeetarako urtebete falta denean egin da, 2023ko maiatzaren azken igandean egin beharko bailirateke bozketak.
Inkestaren datuen arabera, EH Bilduk aurreko bozketan baino zinegotzi bat gehiago lortuko luke eta, horrela, EAJrekin berdinduta egingo litzateke, ordezkari kopuruari dagokionez. Koalizio abertzaleak, halaber, babes handiagoa lortuko luke, botoen % 22,6 jasota, 2019an jasotako % 20,7ren aurrean.
PSE-EEk zein PPk Udalean gaur gaurkoz daukaten ordezkari kopuru bera mantentzea lortuko lukete, baina bi kasuetan babes gutxiagorekin, % 21 eta % 17,7 jasota, hurrenez hurren.
Vox izango litzateke igoera handiena izango lukeen alderdia, boto ehunekoei erreparatuta, 2019an % 1,4 jaso baitzuen eta, oraingoan, EITB FOCUSek % 3,9 jasoko dutela baitiote. Halere, ez Voxek ezta C'S-ek ere ez lukete ordezkaririk lortuko udalbatzan.
Balorazioa
Gorka Urtaranek 10etik 5,2ko nota jaso du parte hartzaileen erantzunetan, eta horietatik % 96,8k ezagutzen du.
Gainera, % 69k begi onez ikusten du Gasteizko Udalaren kudeaketa, eta 5,3ko batez besteko nota eman dio.
Alkateen balorazioa
Kontsulta itzazu hemen Bilboko emaitzak, eta Donostiakoak hemen.
Metodologia
Ikerketa hau burutzeko erabilitako metodologia kuantitatiboa izan da, telefono bidezko elkarrizketa teknikaren bidez. Ikerketa teknika honek proposatutako helburu guztiei erantzuna ematea ahalbideratzen du eta balio eta fidagarritasun handiko emaitzak jasotzen direnez eraginkortasunez aritzeko aukera ematen digu.
Ikerketaren unibertsoa: EAEn bizi diren 18 urtetik gorako gizabanakoak osatzen dute; Landa-lana 2022ko maiatzaren 5etik 12ra burutu zen. Laginketa geruzatu bat burutu da, kuotekiko proportzionala den finkapenarekin hau ere metolodolgia kuantitatiboa erabiliz burutu da.
Fitxa teknikoa
EAE-n bizi diren 1.750 pertsona (400 Gasteiz-en eta 150 Arabaren gainerakoan; 400 Bilbon eta 200 Bizkaiaren gainerakoan; 400 Donostian eta 200 Gipuzkoaren gainerakoan). La= ±% 2,34 konfiantza-maila: % 95, p=q=0´5 EAE-ko datuetarako, ±% 4,18 Arabako datuetarako, ±% 4,00 Bizkaiko datuetarako, ±% 4,00 Gipuzkoako datuetarako, ±% 4,90 Gasteizko datuetarako, ±% 4,90 Bilboko datuetarako eta ±% 4,90 Donostiako datuetarako.
Lurralde historiko, udalerri, sexua eta adinaren arabera geruzatutako zorizko lagina. Inkesten % 26,9-a euskaraz egin dira eta gainerako % 73,1-a gazteleraz. Inkesta egindako udalen populazio-tamainagatik haztatutako erabateko emaitzak. Landa-lana 2022ko maiatzaren 5etik 12ra burutu zen telefono bidezko elkarrizketa bitartez. Inkesten batez besteko iraupena 5,31 minutukoa izan da, motzenak 4 minutu eta luzeenak 18 minutu iraun dutelarik.
Zure interesekoa izan daiteke
Ajuria Eneara iritsi da Carlos Garaikoetxearen hilkutxa
Lehendakariaren gorpuzkiak Gasteizen daude jada. Asteazken goizetik zabalik dago hil-kapera Ajuria Enean.
?fmt=webp-alpha&qlt=80)
Garaikoetxearen pasadizo ezezagunenak: kale batek bere izena egun gutxian eraman zuen Gasteizen eta bere telefonoa modu ilegalean "pintxatu" zuten
Artxiboak agerian uzten ditu lehendakariaren ibilbidean oso ezagunak ez diren gertaerak. Adibidez, Gasteizen kale bat izan zuen bere izenean 28 egunez bakarrik eta telefono-konpainiak berak baieztatu zuen legez kanpoko entzuketak izan zituela.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxea agurtzeko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango dioten azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.