Gipuzkoako Soziometroaren arabera, EAJk irabaziko lituzke foru hauteskundeak, botoen % 37 eskuratuta
Gipuzkoako Foru Aldundiak egindako udaberriko Soziometroaren arabera, EAJk irabaziko lituzke foru hauteskundeak, botoen % 37 lortuta, 2019an baino 1,1 puntu gehiago, eta batzarkide bat gehiago lortuko luke. Bigarren indarra EH Bildu izango litzateke, 1,3 puntuko hazkundearekin, botoen % 33,2raino, eta bi batzarkide gehiago izango lituzke. Bien arteko aldea aste honetan bertan argitaratutako EITB Focusen inkestan baino handiagoa da oraingo kasuan.
Inkestaren arabera, PSE-EE hirugarren indarra izango litzateke, botoen % 15,5ekin (1,8 puntu gutxiago), eta bi batzarkide galduko lituzke. Elkarrekin Podemos-IUk botoen % 8,3 lortuko lituzke, 0,7 puntu eta ordezkari bat galduta.
Azkenik, PPk botoen % 4 lortuko lituzke (0,8 puntu gutxiago) eta egungo eserlekuari eutsiko lioke. Voxek ez luke ordezkaritzarik lortuko Batzar Nagusietan.
Herritarrek erakundeekiko duten konfiantzari buruz galdetu zaienean, udalek lortu dute notarik onena (5,49), eta, ondoren, Aldundiak (5,48). Eusko Jaurlaritzak gainditu egin du (5,32), eta Espainiako Gobernuak, ez (3,57).
Foru Aldundiari dagokionez, gipuzkoar gehienek ( % 39,6) uste dute kudeaketa ez dela ona ezta txarra ere. Gipuzkoarren % 35,2k uste dute Aldundia "lan ona" egiten ari dela, eta % 2,4k diote "oso ondo" funtzionatzen duela. Beste aldean, % 8k uste dute kudeaketa txarra dela, eta % 2,6k, oso txarra.
Oro har, Foru Gobernuaren jarduerak 5,76ko nota lortu du, eta Markel Olano ahaldun nagusiak 5,44ko balorazioa; oposizioarenak, berriz, 4,79koa da.
Batzar Nagusietan, EAJk (5,39) eta EH Bilduk (5,36) gainditu dute, eta PSE-EEk (4,28), Elkarrekin Podemos-IUk (4,21) eta PPk (2,21) ez dute 5etik baino gehiago lortu.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.