Ernaiko zazpi kideren kontrako epaiketa "polizia-muntaia" dela salatu dute
Ehunka lagun batu da larunbat honetan Bilbon Ernaik deitutako manifestazioan. Horretan, 2021eko maiatzaren 7an gazte antolakunde horren deialdi baten harira Bizkaiko hiriburuan atxilotutako zazpi gazteen kontrako "polizia-muntaia" salatu eta gazte borrokak merezi duela aldarrikatu dute.
Ekainaren 15ean epaituko dituzte zazpi gazteak, eta 20.000 eurotik gorako isunak eta urtebete eta urte eta erdi arteko kartzela-zigorrak eskatzen dizkie Fiskaltzak eta ertzainek osatutako akusazio partikularrak. "Polizia-muntaia berri baten aurrean gaude, gazte borrokaren aurkako beste eraso batean, gezurrez beteko atestatuan ustezko autoritateari atentatu eta lesio-delitua egotzita", azaldu dute Ernaiko kideek.
Ez gaituzue geldituko! lelopean, 17:30ean hasi dute manifestazioa, Moiua plazatik abiatuta. Bertan izan dira, besteak beste, LAB sindikatuko kideak, baita Pentsionisten Mugimenduko eta lan-gatazketan murgilduta dauden hainbat kide ere. Tentsio-uneak bizi izan dira hainbat gazte BBVAko egoitza nagusiko paretan hainbat kartel itsatsi dituztenean; ertzainek kargatu egin du euren kontra, eta neska bat bortizki atxiki dute. Idenfitikatu eta aske utzi dute.
Ernaiko bozeramaile Ane Alavak azpimarratu du "ezerk ez duela Euskal Herriko gazteria geldiaraziko", eta salatu du datorren ekainaren 15ean Bilbon abiatuko den epaiketa "polizia-muntaia" dela. Izan ere, gogoratu duenez, iaz egindako mobilizazioetan euren eskubideak eta gazteen bizitza duina aldarrikatzeko atera ziren kalera, "besterik ez". Ondorioz, hori ezin dela delitua izan argudiatu du.
Mobilizazio horiek 2021eko maiatzaren 7an izan ziren, Hego Euskal Herriko hiriburuetan. Horietan, gazteen "larrialdi egoera" salatu eta bizitza duinen alde burujabetza eta eraldaketa soziala aldarrikatu nahi izan zuten. Gasteizen eta Bilbon, baina, Ertzaintzak zortzi gazte atxilotu zituen, bat Arabako hiriburuan eta gainontzekoak Bizkaian. Ernaik gogoratu duenez, atxilotuetako bi ospitalera joan behar izan ziren poliziak eragindako lesio eta zaurien ondorioz, eta manifestazioetan parte hartu zuten beste 60 lagun inguruk ere zauriak pairatu zituzten. "Jipoituak izan baginen, atxilotu bagintuzten, gazteon egoeraren erantzule zuzena den Eusko Jaurlaritzak bere arduragabekeria estaltzeko beste biderik ez duelako izan zen", adierazi zuten Ernai gazte antolakundeko ordezkariek gaurko manifestazioa iragartzeko apirilean egindako agerraldian.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.