"Egoeretara moldatzean eta aukerak aprobetxatzean" datza osasungintzako aldaketa, Urkulluren arabera
Joan den ekainaren 8an Gotzone Sagardui Osasun sailburuak aipatu zuen "aldaketa kulturala", Iñigo Urkullu lehendakariaren arabera, "pandemiaren aurretik ezezagunak ziren egoeretara aurreikusten eta egokitzen jakitea eta botika eta teknologia berrien abantailak aprobetxatzea da".
Horrela erantzun dio lehendakariak Miren Gorrotxategi Elkarrekin Podemosek Eusko Legebiltzarrean duen bozeramaileak, Eusko Jaurlaritzaren kontrolerako saioan gaur egindako galderari. Gorrotxategiren ustez, "paradigma aldaketa" bati buruz hitz egiteak krisia sakontzen du eta "legitimatu egiten du azken urteotan gertatzen ari den eraiste planifikatuaren prozesua". Bozeramaile morearen esanetan, "helburua ezin da izan osasun publikoaren egoera txarra egonkortzea; zerbitzu publikoa defendatu behar da".
Horretarako, "gutxienekoen itun" bat proposatu dio Jaurlaritzari, hiru neurri zehatzekin: "Lehen Arretako inbertsioa handitzea osasun publikoaren aurrekontu osoaren % 25eraino; pribatizazioak lehengoratzeko konpromisoa, eta kirurgietan edo proba diagnostikoetan itxarote-zerrenden dekretua betetzeko konpromisoa; eta, behingoz, Osakidetzan orokorra den prekarietateari azkena ematea". Horretarako, profesional medikoen "itzulera-plan" bat proposatu du, egonkortasunerako bermeekin eta pizgarriekin.
Elkarrekin Podemos-IUren itun-proposamenaren aurrean, Lehen Arreta hobetzea gobernu-programaren "lehentasuna" dela adierazi du lehendakariak.
Ildo horretan, azpimarratu duenez, Jaurlaritzak "Lehen Arreta indartuko du asistentzia-integrazioan aurrera eginez", eta plantillak "handitu, berritu eta sendotu" egingo direla iragarri du.
Era berean, "profesionalen prestakuntza eta aitorpena hobetuko dira", adierazi du. "Desberdintasunik gabeko, hurbilagoko eta pertsonen zerbitzura egongo den osasunaren alde lan egiten jarraituko dugu. Jaurlaritzak konpromisoa du helburu horiekin, eta bete egingo ditugu", adierazi du.
Azkenik, "brotxa lodiz" egindako titular eta kritikak alde batera utzi eta euskal osasunaren defentsaren alde lan egiteko "benetako konpromisoa" hartzeko beharra aldarrikatu du.
Zure interesekoa izan daiteke
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.