EH Bildu: "La Cumbre memoria-gune bilakatuta, Lasak eta Zabalak jasandako torturak aitortzea lortuko dugu"
Donostiako La Cumbre jauregia Udalaren esku uzteko eta memoria-gune bilatzeko Espainiako Gobernuarekin akordioa egin ostean, Mertxe Aizpurua EH Bilduko diputatuak azpimarratu du eraikin horretan torturatu zituzten pertsonei eragindako sufrimendua aitortzeko balioko duela ekimenak.
Besteak beste, Josean Lasa eta Joxi Zabala torturatu zituzten han, 1983an, Alacantaren tiroz hil eta kare bizian lurperatu aurretik.
Aizpuruak agerraldia egin du La Cumbre jauregiaren atarian, Juan Karlos Izagirre EH Bilduko zinegotzia eta Josean Lasaren eta Joxi Zabalaren anai-arrebak alboan zituela.
"Gaur Euskal Herriarentzat hain sinbolikoa den La Cumbre Jauregira etorri gara, hemen torturatu zituzten pertsonen hainbat seniderekin batera. Jauregia Donostiako Udalaren esku uztea adostu dugu Espainiako Gobernuarekin memoria gune bihurtzeko", adierazi du.
Itun hori "laster" onartuko den Memoria Demokratikoaren Legearen baitan jasoko dela eta eskualdatzea "urtebeteko epean" gauzatuko dela azaldu du.
"Uste dugu berri pozgarria eta aurrerapausoa dela memoria inklusiboa eraikitzeko bidean, aspaldiko aldarrikapen historikoei erantzuten dielako eta iraganeko gertaerak aitortzeko eta ahaztutako biktimei erreparazioa bermatzeko", nabarmendu du.
"Ezin dugu ahaztu hemen bertan GALeko kideek Lasa eta Zabala torturatu zituztela kare bizitan hil aurretik. Ezin dugu ahaztu Francok hemen igarotzen zituela bere udako egonaldiak", erantsi du.
Gauzak horrela, jauregi hori "herriarentzat berreskuratzea, sinbolikoa izateaz gain, hainbestetan ukatutako errealitate isilarazia azaleratzeko aukera ere badela" iritzi dio Aizpuruak.
Horrez gain, EH Bilduk beste hainbat neurri ere adostu ditu Espainiako Gobernuarekin Memoria Demokratikoaren Legearen alde bozkatzearen truke, tartean ondoko hauek: Ezkabako gotorlekua Nafarroako Gobernuaren esku uztea, memoria-gune bilakatzeko; auzitegi frankistak legez kanpokotzat jotzea eta, ondorioz, haien zigor guztiak baliogabetzea; eta frankismoko krimenak argitzen laguntzeko batzorde independente bat sortzea.
Halaber, legearen aplikazioa 1978ra mugatu beharrean, 1983rarte luzatzea hitzartu dute Espainiako Gobernuarekin. "Horrek aukera emango du Trantsizio 'eredugarrian' zehar gertatutako giza eskubideen urraketei ere erreparatzeko eta haien biktimei merezi duten aitortza ziurtatzeko", zehaztu du.
"Biktima guztiek merezi dutelako egia, justizia eta erreparazioa, guk bide horretan lanean segituko dugu, salbuespenik egin gabe biktima batzuen eta besteen artean", gaineratu du.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.