Maya: "Irudiak bilatuko ditugu eta egileak aurkituko ditugu"
Ostegunean Curia kalean San Ferminetako prozesioan Udalbatza igaro zenean egindako erasoen ostean, Enrique Maya Iruñeko alkateak adierazi du egileen bila joango direla epailearen esku utz ditzaten.
"Irudiak aurkituko ditugu, hau egin dutenak nortzuk izan diren bilatuko dugu, eta espero dut geroago epailearen esku egotea. 2019ko sanferminetan pertsona bati 9 hilabeteko zigorra ezarri zioten antzeko zerbaitengatik; lasaitasunez jokatuko dugu, baina egin duenak ordain dezala", azpimarratu du komunikabideen aurrean.
Zauritutako hiru agenteei dagokienez, larrienak sudurra hautsita dauka. "Bere lekuan jarri diote, baina oraindik ez diote ebakuntzarik egin", azaldu du Mayak. Beste bi zaurituak, bat orkatilan eta bestea aurpegian, sendatu dira.
Alkateak adierazi duenez, "atzo dena orkestratuta zegoen, hasieratik ikusi nuen, kontrako oihu gehiago zeuden hasieratik, eta Kale Nagusia, mezatik irtetean, erabat hartuta zegoen, taldeka zeuden eta larriki iraindu gintuzten ibilbide osoan zehar. Polizia mailan komentatu genuen, bagenekien Curiako giroa oso bero zegoela, baina ez genion uko egingo hortik pasatzeari, gure prozesioaren parte delako".
Hala, adierazi duenez, "astazakilek ezin dute hiria menderatu, herritarrak, gehiengo handi bat, oso pozik daude prozesioarekin". "Haiek gero eta aztoratuago daude eta San Fermin aurreko hilabeteetan giroa asko berotzen ari ziren, beraiek hortik doaz eta haiek diodanean Bilduri buruz ari naiz, zalantzarik ez egoteko", salatu du.
EH Bilduk erasoei uko egin izanari eta Joseba Asiron bozeramaile abertzaleak une batzuetan egoera baretzen saiatu izanari buruz, Mayak honako hau adierazi du: "Jakina, gurekin bat datozen pertsonek Bilduren aurka zerbait egin nahiko balute, ni neu saiatuko nintzateke jendea lasaitzen, berak, noski, bereak lasaitu nahi zituen, eta bereak dira Curia kalean zeudenak. Aurretik zerbait berotu bada, gero hoztea zaila da, hori hala da. Eta horiek, zerbaitengatik, hirian presioa eta tentsioa areagotzeko dinamika horretan daude".
Chivitek alaitasunez eta errespetuz beteriko jaiak eskatu ditu
Maria Chivite Nafarroako Gobernuko presidenteak San Fermin jaiak "alaitasunez eta errespetuz" ospatzeko portaerak mantentzeko eskatu du ostiral honetan, eta ez atzo Udalbatzarekin "tamalez" gertatu zena.
"Txupinazoan jai onak deseatu nituen, eta horrek esan nahi du atzo Curia kalean ikusi behar izan genituen gertakarien modukoak ez gertatzea", esan du Chivitek.
Halaber, gaineratu duenez, "jaiek dibertimendua, kantatzea, dantza edo jolasa izan behar dute, bakoitzak nahi duena, baina bizikidetzarekin eta errespetuarekin".
Zure interesekoa izan daiteke
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.