Ortuzar: "Gauzei bere izenez deitu behar zaie, eta hiltzea gaizki egon zela esan"
Andoni Ortuzar EAJko presidenteak ziurtatu duenez, iraganeko zauriak "erabat" sendatzeko, "beharrezkoa da gauzei bere izenez deitzea", "hiltzea gaizki" egon zela esatea, "ez zela inoiz existitu behar" eta "atentatu eta indarkeria guztiak gaitzesten ditugula".
Hausnarketa hori Maeztun (Araba) egin du Ortuzarrek, ETAk duela 25 urte bahitu eta hil zuen Miguel Angel Blanco PPko zinegotziaren omenez Ermuko Udalak (Bizkaia) prestatutako omenaldia baino egun bat lehenago.
Buruzagi jeltzalea Alderdikide Egunaren laugarren edizioan izan da, Xabier Agirre eta Felix Ormazabal hildako EAJko buruzagi arabarrak gogoratzeko ekitaldian; bertan egon dira ere Jose Antonio Suso Arabako EAJko presidentea eta Estefania Beltran de Heredia senataria.
Bere hitzaldian, Ortuzarrek adierazi du "proiektu abertzale osasuntsua izateko, herri honek ezin dituela iraganeko zauriak irekita izan", eta azpimarratu du, "zauri horiek erabat sendatzeko, gauzei bere izenez deitu behar zaiela elkarrekin etorkizun bat eraikitzeko".
Ortuzarren esanetan, bere alderdia "historiaren alde egokian egon da beti, Gerra Zibilean, diktaduran, trantsizioan edota ETAren urterik gogorrenetan", eta hori, bere ustez, "herrialde honetako guztiek ezin dute esan".
Azaldu duenez, jeltzaleen "eredu etikoaren" aurrean "gauzei bere izenez deitzeko gai ez direnei" zuzendu nahi izan die aipamen hori.
"Eztabaida faltsuekin ihes egiten dutenei buruz ari naiz, 'bai, baina ez' esanez. 25 urte geroago, adierazpen generikoetan babesten direnei buruz ari naiz, baina ez dutenak barkamenik eskatzen eragindako min bidegabea dela eta", argitu du Ortuzarrek. Buruzagi jeltzalearen esanetan, "inork ez diezaiola orain etika leziorik eman" bere alderdiari, "25 urte berandu datozelako".
Ekitaldiaren beste une batean, Felix Ormazabalen eta Xabier Agirreren konpromisoa eta biek, Arabako ahaldun nagusi gisa, "Arabako lurraldearen garapenaren eta elkarrizketa eta akordioa eskatzen dituen gizarte anitzaren mesedetan" egindako lana nabarmendu ditu Jose Antonio Suso Arabako EAJko presidenteak.
Bestalde, Estefanía Beltrán de Heredia senatariak azpimarratu du oso garrantzitsua dela "konbultsio global honen erdian tokikotik jardutea", eta "herritarrengandik gertu" egotearen alde agertu da, "erantzun azkarra, arina eta ziurra emateko", alkateek egin duten bezala, "baita pandemiaren unerik gogorrenetan ere".
Anartz Gorrotxategi Arraia-Maeztuko alkate eta Arabako Mendiko Koadrilako presidenteak, Mari Paz Garagalza eta Elena Armengol Agirre eta Ormazabalen alargunek, hurrenez hurren, Andoni Ortuzarren eskutik argizaiola sinbolikoa eta argazki bana jaso dituzte.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.