PPk BJKN indarrean dagoen araudiarekin berritzea eskaini du, baina baldintzak jarrita
Botere Judizialaren Kontseilu Nagusia (BJKN) indarrean dagoen araudiarekin berritzea proposatu du PPk, baina, horretarako, bi baldintza jarri ditu: Auzitegi Konstituzionala berritzeko Kontseiluaren erreforma (Pedro Sanchezen Exekutiboak ERCrekin adostu zuen) osteguna baino lehen atzera botatzea, eta magistratuen hautaketa eredua aldatzeko lege berri bat.
Botere Judiziala erreformatzeko eta berritzeko proposamen bat bidali dio Alberto Nuñez Feijooren alderdiak Espainiako Gobernuari, Esteban Gonzalez Pons PPko idazkariordeak prentsaurrekoan iragarri duenez. BJKNko bokalak aldatzeko bakarrik hiru urteko blokeoaren ondotik, "itun sekretu" batek independentzia judiziala "are gehiago zalantzan" jarriko zuela uste du Gonzalez Ponsek.
PPk bere ekimenean proposatu duenez, Estatuko fiskalburua ezin izango da politikan jardun, kargurako aukeratu aurreko bost urteetan; bokalen negoziazioa Kongresuan egitea, talde politikoen artean, eta ez Gobernuaren eta alderdi baten artean; eta "indarrean dagoen legearekin aukeratutako Kontseilu berriak hautaketa eredu berri bat proposatzea" sei hilabeteren buruan.
Bestalde, Isabel Rodriguez Espainiako Gobernuko bozeramaileak PPri Konstituzioa betetzea eskatu dio. Horrela, hitz egiten hasi baino lehen, Alberto Nuñez Feijooren alderdiak egin behar duena betetzea da, ohartarazi duenez.
Isabel Rodriguezi PPren eskaintzaren inguruan galdetu diote, Ministroen Kontseilua bukatu ondoren emandako prentsaurrekoan.
Proposamenaren berri ez zuela ziurtatu du Exekutiboko bozeramaileak, baina Nuñez Feijoori eta haren alderdiari mezu oso argia igorri die: Konstituzioa betetzeko, "betetzea ez delako negoziagarria". "Hitz egiten hasi baino lehen, egin beharrekoa betetzea da", azpimarratu du Rodriguezek.
Konstituzionaleko izendapenen inguruko erreformari buruz iritzia eman ahal izatea eskatu dio BJKNk Kongresuari
Bestalde, Botere Judizialaren Kontseilu Nagusiak bederatzi bokalen proposamena onartu du, Diputatuen Kongresuak BJKNri txosten bat eskatzeko. Auzitegi Konstituzionaleko bi hautagai proposatzeko gaitasuna itzultzea nahi du erakundeak. Bozketak zatiketa eragin du; izan ere, aldeko hamar boto, kontrako zazpi eta bi boto zuri izan dira.
Konkretuki, "Botere Judizialaren Lege Organikoa erreformatzeko sozialisten lege proposamenaren inguruan Kongresuak BJKNri txostena eskatzea", ebatzi du; "izendapen judizialak egiteko gaitasuna itzuliz".
Hala ere, hasierako proposamenaren bigarren puntua aldatu dute. BJKNk erreformaren inguruan Europako Batzordea "informatzea" nahi zuten bokalek, Europako Kontseiluaren Venezia Batzordeak txostena aztertzeko.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.